Col destin me lagno spesso
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Conta Sant'Agostin quel Dottoron | Edission e fonte ▼ | Ve dago parte, amigo, in t'un sonetto → |
Col destin me lagno spesso,
Ch'in un tempo mi sia nato,
Che de quel, che se fà adesso,
4No ghe giera gnente affato.
A1tri tempi, che xe questi,
Quando zovene mi giera,
Ghe voleva i cinque sesti
8Per parlar co 'na massera;
Se un gran studio se metteva
Per parlar a sta cogiona,
Pensè cosa ghe voleva
12Per parlar colla Parona.
Giera un Mondo assae diverso,
I marij giera più scaltri,
E zà giera tempo perso
16El tentar le Donne d'altri.
Ogni Donna del so onor
Stava in guardia, e ben difesa,
E volerghe far l'amor
20Bisognava andar in Chiesa;
Bisognava per parlarghe
Aspettar qualche fonzion,
E gran sorte giera 'l darghe
24In tel Culo un pizzegon.
Gnanca in barca andar con ella
No vegniva in tel pensier,
E ghe fava sentinella
28O una serva, o 'l Camarier.
Farghe aver qualche viglietto
La so vita se rischiava,
E dei dodese el sacchetto
32Per el messo no bastava.
Se le andava qualche zorno
In campagna a divertirse,
Per zirarghe un poco intorno
36Bisognava trasvestirse.
Me sovvien pò, che ste Done,
Oltre tanta suggizion,
Giera piene de corone,
40De officietti, e devozion.
Le diseva la corona
Anca i zorni de laorar,
E ogni Santo, ogni Madona
44Le se andava a confessar.
Tutto quel, che le lezeva,
Giera libri de moral,
E de lezer ghe piaseva
48Qualche bon Quaresimal;
Per aver qualche indulgenza
De portar giera l'usanza
Sempre al Collo la pazienza,
52La centura sulla panza.
Le spendeva in sti suffraggi
Per notarse in ogni Santo,
E le fava i so passaggi
56Per aver el perdon santo.
O dell'Orco, o del Folletto
Da paura le tremava,
E la sera andando a letto
60Mille crose le se fava.
In ancuò no ghè più tante
Devozion, ne rosarierti,
Nò più al Collo cose sante,
64Nè più el Carmine sù i petti.
No ghè più ste scrupolose,
Che al so letto tegna Santi,
In ancuò no ghè altre Crose,
68Che la crose de' diamanti.
I Suffraggi xe meschini,
Perchè più no le se nota,
E quei santi botteghini
72Tiolto suso hà na gran bota.
No le tien più sù i scabelli
Sti librottoli devoti,
E mì credo, che con quelli
76Le se fazza i papiglioti.
In adesso el so mestier
Xe de lezer per morbin,
Oltre i libri de Volter,
80La puttana d'Aretin.
Tutte xe filosofesse,
Le stà assae sul material,
E a calarse le braghesse
84No le crede, che sia mal.
Elle adora el Tempio bello
In ancuò del Dìo Priappo,
Ma le adora solo quello,
88Che xe grosso, e no xe fiappo.
El più bel divertimento,
Che ghe giera in sta Cittae,
Giera far in t'un Convento
92I morosi alle Pelae.
Che bel gusto giera quello
Far l'amor con una Dona;
Che no puol mai tior l'Osello,
96Nè ve puol mai dar la Mona?
Andar dopo bisognava
A puttane per sbrigarse,
Siben anca se rischiava
100Ogni volta d'impestarse.
Lo sà 'l povero mio Cazzo
Cosa gà toccà a provar,
Ch'ogni tanto poverazzo
104El se fava medegar.
De barbarie i giera i tempi,
No ghe giera pulizìe,
Consisteva i passatempi
108Tutti quanti in bullarìe.
Un cogion, un visdecazzo
Giera quello in sto paese,
Che no aveva sotto 'l brazzo
112La puttana, e 'l pistolese.
No se giera cortesani,
No s'entrava in tel bel coro,
Co no se gaveva Cani
116O sia d'arme, o sia da Toro,
Chi no andava in battelletto
A vogar da barcarioli,
O no andava da Isachetto
120A impegnar i ferrajuoli.
Le botteghe da Caffè
Giera, come tante stalle,
No gh'andava, che Lacchè
124Co per man le so Cavalle.
Mille sordide laidezze
Nei teatri i recitava,
E ghe giera le gran fezze
128Dei baroni, che fumava.
Se ziogava da per tutto
Sin t'i Palchi, e in Carampane,
E un gran nìo giera 'l Redutto
132De Ruffiani, e de Puttane.
Tutto ancuò s'hà regolà;
La Comedia, e'l Carnoval,
Le ve par per onestà
136Tante scuole de moral.
Le botteghe da Caffè
Le xe ancuò tutte pulite,
E al Redutto più no ghè
140Tante bestie fatte, e dite;
No ghè più tanti bullezzi
D'aver arme, Cani, e Tori,
S'hà cambià tanti strambezzi
144In Casini, e dolci amori.
No se vede più Puttane
A torzion col Cavalier;
Cussì và le cose umane,
148Xe cambiado sto piaser.
In ancuò perde 'l concetto
Quel, che và colla Puttana,
Ma violar un altro Letto
152La xe un'opera cristiana;
Come un dì giera cogion
Chi no andava colla Siora,
Cussì ancuò xe un gran baron
156Chi co quella salta fuora.
Chi vuol far bona figura,
Co se vuol tegnir la stradaerrata corrige originale
De servir qualche Creatura,
160La vuol esser maridada.
Ghe ne xe pò un precipizio
De ste Donne; ch'hà la mira
De trovar al so servizio
164Un Servente, che 'l ghe tira;
E de questi ghe n'è assae,
Che 'l ghe tira anca in braghesse,
Ch'i darìa do, o tre chiavae
168Ogni zorno, se i podesse.
Più del Diavolo paura
No le gà, nè de' sconzuri,
Tutta quanta la so cura
172Xe trovar dei Cazzi duri.
No le vuol più sti perdoni
De sti Frati Francescani,
Le vuol Cazzi bei, e boni,
176Che le ingroppa, come Cani.
Per cavarse ogni trastulo
Ghe servìa l'onor d'impazzo;
In ancuò le 'l gà in tel Culo,
180Nè le stima altro, che 'l Cazzo.
Me despiase sto rilasso,
E de veder sto bordello;
Ma perchè tiorme più spasso
184Mi no posso coll'Osello.
Co gaveva bona schena
De saziarle tutte quante,
Me toccava aver la pena
188De trovarle tutte sante.
Ma gaveva sto contento,
E trà mi la discorreva,
Che, se mi no vago drento,
192Gnanca i altri no fotteva.
Questo è quel, de che me doggio,
Ch'in ancuò per mio tormento
Molo hò 'l Cazzo, come l'oggio,
196Che nol puol andar più drento.
In ancuò che tutto è bello,
Che se magna più polito,
No me tira più l'Osello,
200No me serve l'appetito.
Co gaveva la gran fame
Malamente se magnava,
Nè gaveva tante Dame
204Quando'l Cazzo me tirava;
Questa xe 'na gran desdita,
Digo sempre in tel mio interno,
Che mi son, a far sta vita,
208Come Tantalo all'Inferno;
E son, come quel gramazzo
Fatto erede dai Parenti
In un tempo, che più 'l Cazzo
212No ghe serve, e gnanca i denti.