Che vaga a farse ben buzarar

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 271 modifica]
TRADUZION DELLA PRIAPEA DE Mr. PIRON.


MADRIGALE


Che vaga a farse ben buzarar
    Le nove Muse, se le sà andar,
    Che vaga in Culo a tiorlo Apollo
    Con quel so Cazzo, che ghe stà mollo,
    5Se a fotter Dafne no l'è stà bon,
    Ma l'è restà là come un cogion.

Oh Dìo Priapo mi te sconzuro,
    Ti, ch'in le Potte con Cazzo duro
    Ti fà, che vaga drento i granelli
    10Non solo a secchj, ma anca a mastelli,
    In la mia vena per far sto ziogo
    Dei to cogioni mandeme 'l fuogo.

Sù Puttane quante, che sé

[p. 272 modifica]

    Mostreme tutte quel, che gavè.
    15Corrè quà tutti bei bardassetti
    Con quei bei Culi, con quei Cazzetti;
    Mi vago in estasi in sto bordelo,
    Certo sti oggeti no ghe xe in Cielo.

Oh! Che Culatte dure, e tondette,
    20Che belle Potte, che belle tette,
    Oh! Culi bianchi, Culi noveli,
    Che no gà pettole, che no gà peli,
    Oh! Sante imagini, che tanto adoro,
    Fermeve tutte, finchè mi sboro.

25Sìa a Priapo un Tempio erretto,
    E in quel liogo benedetto
    Se contempli, e che s'adori
    Quel, che piase ai Fottidori,

[p. 273 modifica]

    E l'offerta dei Santoni
    30Sia del latte dei Cogioni,
    E la bella ghirlanda dei devoti
    Sia de pelo, e sia i Cazzi i Sacerdoti.

Tutto 'l pesce, che xe in Mar,
    No fà altro, che sborar,
    35Fin'in aria i Mossolini
    Tutti butta fuora i nini.
    Sia de zorno, sia de notte,
    Tutti avvisa, che se fotte.

Viva la Potta, viva 'l so odor,
    40Che mette i Cazzi tutt'in ardor.
            La Potta è quella
            Strada più bella
            Per arrivar, come che và

[p. 274 modifica]

            All'eterna felicità.

45O instrutta zoventù per el bordello
    Tegnì pur tutti in Mona 'l vostro Osello.
    La Patria, che costrutto ghe ne cava
    Da quello, che no chiava?
    Ben la serve zorno, e notte
    50Certamente quel, che fotte.

Osservè là in Tebe Frine,
    Ch'hà innalzà dalla rovine
    Dei Tebani la Cittae
    Tutta a forza de chiavae;
    55All'incontro ai so Romani
    Quanti guai, quanti malani
    No hà causà quella cogiona
    Per no far la buzarona.

[p. 275 modifica]


Più de tutti i grandi onori,
    60E de Creso i gran tesori,
    Al confronto de Biante
    Con un Cazzo de Diamante,
    Che fotteva sul pagiazzo,
    Se puol dir, no val un Cazzo.
    65Ma no s'hà visto delle Regine
    Far le sgualdrine?
    Al Trono preferir sempre 'l bordello,
    E'l Scettro desprezzar per un Osello?

Oh matti avari conquistadori,
    70Che ve dà gusto tanto i onori,
    Osservè Achille, che mette a fero,
    E mette a fuogo un Mondo intiero,
    All'arrivo d'una Potta

[p. 276 modifica]

    Lù deventa una marmotta,
    75E l'Eroe, che fava orror,
    Deventà xe un fottidor.
            Contro Agamenone
            Chi accende Achille,
            Briseide bella
            80Xe stada quella,
    Che dal potente amor de gloria
    L'amor del fotter porta vittoria.
    Per sta potenza, che tutto eccede,
    Cesare hà dà 'l so Cul a Nicomede.

85Vù me dirè, che Socrate,
    Quel spirito divin,
    Hà parlà da Chiettin
    Contro 'l sesso feminin,

[p. 277 modifica]

    Ma credeu sto sapienton,
    90Che 'l sia stà tanto cogion?
    L'hà parlà mal della Dona
    Perchè gà piasso 'l Cul più della Mona;
    E, se sia la verità,
    D'Alcibiade 'l Cul lo sà.

95Vardè quel cinico,
    Per so solazzo,
    Come alla barba
    Dei Ateniesi
    Se mena 'l Cazzo.

100Per quanto tona'l Ciel nol se stordisse,
    Ne'l Cazzo se ghe mola, o s'infiappisse,
    Ma colla testa sgionfa, alta, infiammada
    Con gran tranquillità dà 'na sborada.

[p. 278 modifica]


E intanto, che Alessandro
    105Per la spinosa strada della gloria
    Avido sempre 'l xe della vittoria,
    E che per questa notte, e dì lù trotta,
    Diogene se 'l mena in te la botta.
    Davide l'Arpa ben manizava,
    110Ma meggio 'l Cazzo lù doperava;
    Se lo fava ben sonar
    Bersabea lo puol contar.

Chi xe mai quel muso zallo,
    Che pò fotte, come un gallo,
    115Quel teologo cogion,
    Che vuol farme opposizion?
    Se 'l mio sistema 'l vuol sbregar,
    Che 'l vaga a farse buzarar.

[p. 279 modifica]

    Per chi và drìo alla natura
    120No gà gnente de meggio la Scrittura;
    E se a caso la Sorbona
    Ma vietasse andar in Mona,
    E tior la me volesse sto trastulo,
    Che la vaga anca ella a tiorlo in Culo.

125Dei Fottidori l'istorie è piene,
    Tutti hà fatte le so scene,
    Chi le nuvole hà fottù,
    Chi al Sol l'hà parà sù,
    Chi de propria volontà
    130Colle statue gà sborà,
    Chi hà chiavà la propria fìa;
    E Narciso chi 'l dirìa,
    Che nell'atto de negarse

[p. 280 modifica]

    Ha tentà de buzararse.

135In tutti quanti i tempi
    A ogni persona
    Se vede, che gà piasso
    O Culo, o Mona.

Anca Giove là sù in Cielo
    140Sforza Culi, e sbrega Mone;
    E Nettun fà coll'Oselo
    Le Sirene buzarone.
    Anca Pluton
    Col so Cazzon
    145Alla so Dona
    In te la Mona
    Là nell'Averno
    Ghe sbora tutto 'l fuogo dell'Inferno.

[p. 281 modifica]


Sù via, Amici, sù godemo,
    150E fottemo
    Fin a tanto, che la Potta
    Delle ragazze l'anime ne fotta.

Se le Furie se fottesse,
    E le Parche le podesse
    155Tiorse anch'elle sto solazzo
    Le goderave tutte del mio Cazzo;
    Ma zà, che per dura sorte
    No se fotte dopo morte,
    In quel liogo cussì orrendo
    160Voggio andar zoso a fottendo;

Mi son certo, che là drento
    El mio massimo tormento
    Sarà star là zorno, e notte

[p. 282 modifica]

    A veder Pluton, che fotte,
    165E che mi là eternamente
    Mai no poderò far gnente.

Grandi tutti quanti sè
    No credè, che sia invidioso,
    Dei gran beni, che gavè,
    170Mi no son gnente zeloso.
    Me basta, che me tira ben l'Oselo,
    E del mio Cul, che sia grespo el pelo.

Vivè pur lautamente,
    E fè gran chiasso,
    175Che per mì tutto 'l spasso
    Xe quando son in Mona, e quando sboro
    No godo manco de chi gà un tesoro.
            Le to disgrazie,

[p. 283 modifica]

            Le malegrazie
            180Sorte cogiona
            Buzaradona
            No me tormenta,
            No me spaventa.

L'aneme basse se fà paura
    185Dei accidenti della natura,
    Ma la mia alle to botte
    Se ne ride, se ne fotte;
    E se tutti me detesta
    No ghe penso,
    190Quando 'l Cazzo a mi me resta.
    Zà el me tira, zà son drento,
    Cussì basta, e son contento.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Che_vaga_a_farse_ben_buzarar&oldid=46679"