No intendo cosa sìa sta onnipotenza
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← I gran poeti dell'antichità | Edission e fonte ▼ | Che vaga a farse ben buzarar → |
No intendo cosa sìa sta onnipotenza
Ogni qualvolta lezo la scritura,
Un Dìo, che forma l'Omo, e pò, pacienza,
4Nol gà da sopportar la so Natura!
Se lù saveva colla so prescienza,
Che quell'Omo de certo poco dura
In quel so primo stato d'innocenza,
8Perchè metterse a far quella figura?
Che gabbia da patir i discendenti
Per la cogionerìa, che hà fatto quelo;
11Oh! Quà xe dove fazzo i me lamenti.
Ch'i Ebrei pò s'abbia da zimar l'Oselo,
Quando i se vuol salvar, digo frà i denti,
14Cos'hà da far el Cazzo con el Cielo?