Zà che avè curiosità

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 65 modifica]
RACCONTO AD UN AMICO


CANZONE


Zà che avè curiosità,
    E volè saver chi sìa
    Quelle do, che mi ho menà
    4L'altra sera all'Ostaria,

Ve 'l dirò, ma con un patto,
    Che la resta trà de nù,
    Perchè tutto quel, che ho fatto;
    8Mi nol digo, se nò a vù.

Una giera la Tonina,
    L'altra giera so Cugnada,
    Tutte do colla musina
    12Rotta in pezzi; e fracassada;

[p. 66 modifica]


Ma per altro de figura,
    E de aspetto assae galante,
    Ch'hà bù in don dalla Natura
    16Un far nobile, e brillante.

Una è bionda quanto l'oro,
    E castagna è la Tonina
    Con un occhio cussì moro,
    20Che a vederlo el ve rovina.

Tutte do fronte spazioso,
    Tutte do gà carne bianca,
    Tutte do l'andar maestoso,
    24Tutte do la porta franca;

Nò però con un'osella
    Se se assolve, o col ducato;
    Ma chi vuol la so sportella,
    28Do Zecchini è 'l prezzo fato.

[p. 67 modifica]


E bisogna refilarghe
    La prebenda a Siora Mare,
    E qualcosa anca donarghe
    32Al lustrissimo Sior Pare;

Cussì pur alla massera
    Se ghe dona do pittone
    Per averzer la portiera,
    36E introdur dalle Padrone.

Leze stabile xe fata,
    Se andè là, che sia mattina,
    D'ordenar la Chioccolata
    40Per la Bionda, e la Tonina,

Drìo disnar oppur de sera
    El rosolio, e i so sorbetti,
    Ma no fà una sorbettìera,
    44Ne ve basta sìe cugnetti.

[p. 68 modifica]


Quattro, cinque, o sìe caffè
    Per quei altri, che xe in Casa;
    E ben pien un cabarè
    48De pandoli, acciò che i tasa.

Quando a questo avè supplìo,
    Che xe cosa necessaria
    Tutte vezzo, e tutte brìo
    52Le ve invida a muar aria,

E un pochetto spassizzando,
    Un tantin correndo a forte,
    Le ve mena ziogolando
    56In un liogo in cao la Corte.

Xe sto liogo un casinetto
    Solitario ma spazioso,
    Che 'l par fatto a solo oggetto
    60D'un diporto lussurioso.

[p. 69 modifica]


Odorifera fragranza
    Nell'ingresso ve consola,
    Misto il cedro alla naranza
    64Sentì 'l boccolo, e la viola.

De pitture lascivette
    Tutto 'l muro xe fornìo,
    Quà vedè do belle Tette,
    68E là un fianco ben tornìo;

Quà ghè Taide, e là xe Frine
    Senza Busto, e Boccassin,
    Quà Poppea, là Messaline,
    72Che chiavar se fà a passin;

Quà ghè Venere destesa,
    Che fà vezzi al caro Adon;
    La ghe Diana, che la sfesa
    76La ghe sporze al so Endimion.

[p. 70 modifica]


A vardar tutta sta robba,
    Ch'è depenta al natural,
    Fegurevem se la gobba
    80Se ghe spiana zò al Cotal!

No starave saldo Socrate,
    Ve l'attesto in fede mia,
    E 'l bon omo de Xenocrate
    84Anca lù quà cascaria,

Tanto più, che ste do mate
    Le ve stuzega, e ve prega
    De palparghe le culate,
    88De toccarghe la bottega.

Vardè vù, come mai possa
    Co sti vezzi un poverazzo
    Far, ch'i umorj no se ingrossa;
    92Far, che zoso staga 'l Cazzo.

[p. 71 modifica]


Mi per mi posso accertarve,
    Che 'l gaveva duro in modo,
    Sì varente el buzararve
    96Che 'l pareva giusto un chiodo.

No podeva più star saldo,
    Tutto 'l sangue giera in motto;
    Me sentiva un certo caldo,
    100Che me fava sborar sotto:

Dalla smania, che provava,
    Me son tratto s'un Soffà,
    E ve zuro, che pensava
    104De morir incogionà.

Co le hà visto ste furbette,
    Che star saldo più no posso;
    Le hà tirà fuora le Tette,
    108Le se m'hà stravaccà addosso,

[p. 72 modifica]


E molando le braghesse,
    E pò dandome un'occhiada,
    Me pareva le disesse,
    112Chi de nù sarà chiavada?

Oh! quà si, che a far sta scielta
    Intrigà son stà per Dio,
    Perchè a scieglier la più svelta
    116La Tonina stava in drìo;

E tiolendo la Tonina,
    Che par Venere a drettura;
    No godeva la Biondina,
    120Ch'è un'amabile creatura.

Sovvegnù m'è quell'amigo,
    Che impegnà tra Mare, e Fìa;
    S'hà cavà fuora d'intrigo
    124Co una gran galanterìa,

[p. 73 modifica]


E con mente resoluta
    D'una, e l'altra soddisfarla,
    L'hà pensà fotter la Puta,
    128E la Mare buzararla.

Ma sto lepido esempietto
    No m'hà dà gnente de regola,
    Perchè mai ho bù diletto
    132De saver cosa sìa pegola.

Cosa mai donca faroggio?
    Brontolava frà de mì,
    Cosa mai resolveroggio?
    136Caro Cazzo sciegli tì.

Tutte do le gà el so merito;
    Tutte do per mi me puol,
    Cazzo degno, e benemerito
    140Tiote ti quella ti vuol;

[p. 74 modifica]


E qual Paride novello
    Fà assae meggio, che col pomo,
    Che far scielta coll'Osello
    144La me par scielta da Omo.

Mi no gò ancora parlà,
    Ch'ubbediente in sul momenco
    La Tonina l'hà imbroccà,
    148Che l'hà parso giusto un vento.

Quel, che insieme s'abbia fatto,
    No ve'l posso raccontar,
    Basta dirve, che sto matto
    152El s'hà bù quasi a negar;

E se mi no l'agiutava,
    Tanto el giera inviperìo,
    Che piuttosto el se negava,
    156Che voler tornar indrio.

[p. 75 modifica]


Aveu visto un can da toro,
    Co alla recchia l'e taccà,
    Chiamè, Argante, chiamè, Moro,
    160Nol se parte più de là.

Mo fè giusto el vostro conto,
    Che cussì fava costù,
    El s'aveva tanto sconto,
    164Che trovar nol podea più.

Mi co ho visto el so pericolo,
E che 'l stava là ostinà,
    L'ho chiappà per un testicolo,
    168E per forza l'ho cavà.

La Tonina prediletta
    Sul Soffà la xe restada
    Giusto come una violetta
    172Dal so ramo destaccada

[p. 76 modifica]


E con viso languidetto
    Sospirando a mezza bocca
    La gà tiolto un fazzoletto,
    176E la s'hà sugà la Cocca;

Anca mi tutto brillante
    Con un fiocco, che ghe giera,
    Del mio Cazzo ancor fumante
    180Sugà ho l'elmo, e la visiera.

E vegnù pò la Biondina
    A scherzar sora el successo,
    E burlando la Tonina,
    184La se m'hà sentà d'appresso.

Cussì tutta la zornada
    Scorsa avemo in allegrìa,
    E co è stà notte avvanzada.
    188Le ho menae all'Ostarìa.

[p. 77 modifica]


No ve conto per menuo
    Con chiarezza, e distinzion
    Quel, che dopo è intravegnuo,
    192Ma 'l farò in altra occasion.

Per adesso contenteve
    De sto poco, che v'ho scritto;
    E da Omo regoleve,
    196Nè disè quel, che v'ho ditto,

Perchè ghè certe Persone
    D'un capriccio sì bisbetico,
    Che a parlar de Cazzi, e Mone
    200I ve tiol per un eretico,

E siben, che le se dise
    Trà persone maridae,
    Vedarè certe Marfise
    204A restar scandalizae.

[p. 78 modifica]


Queste quà xe giusto fate,
    Come xe tant'altra zente,
    Che a toccarghe le culate
    208No la xe cosa da gnente;

Ma dir Cazzo discorrendo,
    Anca in atto de scherzar,
    L'è un delitto cussì orrendo,
    212Che le fà fina tremar.

Ma pazienza, che le Done
    Voggia far st'affettazion,
    Voggia finzerse santone
    216Col rosario a picolon,

Ma ghe xe anca dei Omeni
    Co sto vizio maledetto,
    Che no i tien per galantomeni
    220Quei, che parla netto, e schietto.

[p. 79 modifica]


Ma se a caso co sti peppe
    Ghe lassè solo una gatta,
    No i xe più el casto Giuseppe,
    224E la buzara xe fatta;

E per questo in casa mìa
    No ho volesto bacchettoni,
    E son stà lontan sìe mìa
    228Da sti santi fà cogioni.

Regoleve donca in causa,
    Caro amigo benedetto,
    E, ve prego, no siè causa,
    232Che mi perda el bon concetto,

Perchè 'l Mondo e tutto pien
    De ste razze da gallera,
    Che no fà un'onza de ben,
    236E i vuol esser santi in tera,

[p. 80 modifica]


E de tutto quel, che ho ditto
    No parlè co chì se sìa,
    Ma piuttosto sto mio scritto
    240Doparelo da drìo vìa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Zà_che_avè_curiosità&oldid=43163"