Puttazzi, vù

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 185 modifica]
RACCONTO D'UN CASO OCCORSO A UN FRATE.


CANZONE


Puttazzi, vù
    Che gavè tanto a caro,
    E godè più
    Quanto più parlo chiaro;
    5Sentì questa, ascoltè,
    Che sò, che riderè,
    Se ve la sbaro.

Questa sarà
    Un'Istoria, ma vera.
    10Sazio, morbà
    Del Corso l'altra sera
    Me tiro pian pianin
    Verso San Bernardin
    Dalla Librera.

[p. 186 modifica]


15Giera arrivà
    Vicin a quel Convento;
    Che d'ogni soldà
    Se lustra 'l fornimento,
    E vedo un Cortesan
    20Co un Mascherin per man
    Ficcarse drento.

Vago anca mi
    Per correr la Quintana;
    Digo, bon dì,
    25Gastu balle in Doana?
    La risponde, Sior no,
    Doman ghe n'averò
    De fina lana.

[p. 187 modifica]


Chiappo custìa
    30Per man, e sì ghe digo;
    Vien quà Maria,
    Ma trattame d'amigo;
    Dime, chi xe colù,
    Che adesso xe vegnù?
    35Chi xe quel figo?

Mo nò alla fè,
    Che dirvela no posso;
    Se me credè,
    Quello xe un pezzo grosso;
    40In verità de Dìo
    No l'e negozio mìo,
    No lo cognosso.

[p. 188 modifica]


Voggio un favor,
    Ghe digo, in confidenza
    45D'Omo d'onor,
    Sora la mia conscienza
    Te zuro nol contar,
    Ma voggio spionar
    Chi è st'Eccellenza.

50La dise, andè,
    La Vecchia malandrina,
    Che saverè,
    Chi è quella coresina;
    Ma fè pian, caro fìo,
    55Sarè, se sè sentìo,
    La mia rovina.

[p. 189 modifica]


Vago de sù,
    E vardo per un buso,
    E 'l vedo lù
    60Con la bauta suso,
    Sul letto Ella sentà
    Senza volto, e Cendà,
    Ma un gran bel muso.

El sento pò
    65A dir, cara Zannetta;
    Mi morirò,
    Dà quà quella lenguetta;
    O dolce anema mìa,
    No me la tirar vìa,
    70Sta ferma, aspetta.

[p. 190 modifica]


Da paesan
    El se tira alle strette,
    E colle man
    Và sotto le carpette.
    75Voi sentir sto Monin,
    Se lù xe molesin;
    Co xe le Tette.

Tutta rossor
    Ella incrosa le Cosse,
    80Ghe dise, Sior,
    Vù me ne fè de grosse
    Oh, vìa, lasseme star!
    Cosa voleu toccar?
    No voi ste cosse.

[p. 191 modifica]


85Stè fermo, oibò!
    Mo, vìa, vardè, che peste.
    No taserò,
    Co me farè de queste;
    E da sta volta in là
    90Co mi certo sarà
    Finìo le Feste.

In verità,
    Che questa è molto brutta,
    Son vegnua quà
    95Senza saverla tutta.
    Voi, che sìa conservà
    La mia verzenità,
    Perchè son Putta.

[p. 192 modifica]


Gnanca toccar!
    100Cosa voleu, che fazza?
    Donca a che far
    Seu vegnua zò de Piazza?
    Vù volè in conclusion,
    Che per disperazion
    105Certo m'ammazza.

Rabbio da Can,
    Così viver no posso;
    E 'l gà tirà a man
    Un anemal ben grosso.
    110Oh, poveretta mi!
    Tanto no ho visco pì,
    Cos'è sto Cosso?

[p. 193 modifica]


Mi ve sò dir,
    Che me ne fè de grosse,
    115Me fè arrossir;
    Mostrarme le vergogne!
    Ve vardo per stupor;
    Volè tiorme l'onor
    Co ste Mignone?

120Oh, gramo mì!
    Vù sè dura, co è un sasso,
    A star cussì
    Mo no staroggio grasso!
    Dove xe quel, che vù
    125M'avevi promettù,
    Dov'è sto spasso?

[p. 194 modifica]


Questo è un amor,
    Per dirvela, alla moda;
    Caro 'l mio cuor,
    130No stè più cussì soda;
    Ve prego per pietà,
    Feme sta carità,
    Lassè, che goda.

Oh Dìo! Nò più,
    135Se l'onor mio perdesse,
    El savè vù,
    Ghe vuol altro, che Messe;
    La Testa, dov'hò i pij
    Me buttarave i mij,
    140Co i lo savesse.

[p. 195 modifica]


A sto parlar,
    Lo vardo in tel mustazzo,
    Per osservar
    Più picolo me fazzo,
    145E ve dirò de più,
    Che mi l'hò cognossù
    Per un Fratazzo.

Quando 'l furbon
    Sente, che la xe sorda,
    150El mudè ton,
    E tocchè un'altra corda;
    Smorzeme, cara Fìa,
    Con qualche cortesìa
    Sta fiamma ingorda.

[p. 196 modifica]


155Deme un basin
    Con quella bella bocca,
    Tioleme 'l Nin,
    Lassemo star la Cocca,
    Contento resterò,
    160Più caro l'averò,
    Se l'è da brocca.

El voi toccar;
    Oh siestu benedetto!
    Lasseme far....
    165Oh, cara, oh che diletto!
    Te zuro a Sacra Dei,
    Che tocco'l Ciel coi dei,
    Se te lo metto.

[p. 197 modifica]


Cussì bel bel
    170El s'avvicina al tasto,
    Come un Osel,
    Che cognosse 'l so pasto;
    Tegnindola pregà,
    Mo vìa volteve in là
    175Senza contrasto.

Ella per far
    Parer, che la sia grezza,
    Tende a vardar
    Ritrosa, e schivolezza.
    180Credelo in fede mìa,
    Son tanto immutonìa,
    Che no son mezza.

[p. 198 modifica]


Oh, suso vìa,
    Demo ai desgusti bando,
    185Che no vorrìa
    Esser vegnuo de bando.
    Ma certo mi gò umor
    De no poderlo tior,
    L'è massa grando.

190In dir cussì,
    Le Cottole sù tratte,
    L'hà scoverzì
    Un Cul bianco de latte.
    Ello ghel ficchè sù
    195Dandoghe sempre più
    Spente da Frate.

[p. 199 modifica]


Se zà un tantin
    Ella se vergognava;
    El Cinquantin
    200Oh come la menava!
    Mi gramo bordonal
    Hò fatto, che 'l Cotal
    Butta la bava.

E ve dirò,
    205Ch'hò bù gusto, e diletto;
    Son corso zò;
    Co i s'hà mosso dal letto,
    Digo a Marìa, bon dì,
    E tientelo per tì
    210Quel gran soggetto.

[p. 200 modifica]


Hò pò savù,
    Che quella bella ciera,
    Che hà tiolto sù
    Quel Cazzo volontiera,
    215L'è na Putta, che stà
    Del Frate da un Cugnà
    Per cameriera.

Mi v'hò contà
    Tutto quel, ch'hò visto,
    220Quel, che hà operà
    Quel Frate infame, e tristo.
    Mò quando seu nassui
    Frati becchifottui,
    Ladri de Cristo!

[p. 201 modifica]


225E me dirè,
    Che fazzo mal, che tasa?
    Imparerè
    Lassarli andar per Casa.
    Le femene, le scroe,
    230Le sarà tutte soe,
    Quando i le nasa.

Mai finirò
    De dir de sti Fratazzi,
    E scriverò
    235Infin, ch'averò brazzi,
    Acciò siè cognossui
    Frati becchifottui
    Buzaradazzi.

[p. 202 modifica]


Mi, che hò zurà
    240De no contarla mai,
    Hò spegazzà
    Sti versi mal formai,
    Cussì la tasarò,
    E addosso no averò
    245De sti peccai.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Puttazzi,_vù&oldid=46613"