Oh Sommo Giove, che 'l celeste coro
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Venere, a vù riccorro, a vù, che sè | Edission e fonte ▼ | Se Amor xe fìo d'un Dìo → |
Oh Sommo Giove, che 'l celeste coro
Per fotter delle Donne avè lassà,
E a segno tal ve sè desnaturà,
4Che per Europa ve sè fatto in toro
Ve sè cangià per Danae in piova d'oro,
E per Leda in un Cigno trasformà.
Deh! Se tanto 'l chiavar v'hà delettà
8No ve sdegnè, se'l vostro brazzo imploro.
Saverè la sentenza buzarada,
Che hà fatto Amor, e com'ingiustamente
11Venere vostra fìa l'hà confermada.
A vù, che podè tutto intieramente,
Una strazza gò dà de querelada
Acciò, che la tagiè assolutamente.
15Giudice incompetente
Digo, che sia la Donna, e no podesse
Persona giudicar, che gà interesse;
18Date le mie premesse,
Mi in ordine propono, che sto spazzo
Per cento, e più rason no val un Cazzo;
21Qual visazzon de Cazzo
Ghe darà mai gnessuna esecuzion
A ste do buzarade condizion?
24Chi sarà quel cogion,
Che spender voggia, e aver anca pazienza?
De Venere, che hà fatta sta sentenza,
27Dove xe la conscienza?
Ghe xe un, che hà bezzi, ma no xe paziente,
No poderà mai questo buscar gnente?
30Un altro no se sente
In stato mai de spender co una Dona,
No poderà mai questo andar in Mona?
33Che leze buzarona!
Vù me dirè, che chi gà sto divieto,
El se puol divertir in tel Culeto
36De qualche ragazzeto,
Ch'anca vù l'avè fatto, e chi nol crede
Ghe lo dimanda al Cul de Ganimede,
39Che lù ghe farà fede;
Respondo, che se tutti da drìo vìa
S'andasse, presto 'l Mondo fenirìa;
42No l'è la causa mìa.
Ma, caro Giove, sia con vostra pase,
Parlo per quei, che 'l Culo no ghe piase
45Questi è quei, che no tase;
Se almanco l'una, o l'altra vù tagiessi
De sto do condizion, vu vedaressi
48Nel Mondo i gran progressi;
Ma, co volè la sia eseguida in tuto,
Dei Cazzi no podè veder el fruto,
51Doneghe 'l vostro agiuto,
Che vedarè da lori maravegie,
Che i farà tanto crescer le famegie,
54Ch'innarcherè le cegie.
Allora el Sommo Giove, Giove Amone,
D'avanti l'hà chiama tutte le Done,
57E 'l gà dito; Patrone,
Sull'istanza dei Omeni hò pensà,
Che'l giudizio de Venere tagià
60Voi, che 'l sia per metà,
Vorrìa Natura, e tutte le rason,
Che i Omeni chiavasse a discrezion
63Senz'altre condizion;
Ma sentì, dove và la mìa clemenza,
Voi, che ve fè vù altre la sentenza,
66Voleù bezzi, o pazienza?
Allora a dir da tutte s'hà sentìo,
Bezzi, bezzi, e 'l tioremo anca da drìo.