Venere, a vù riccorro, a vù, che sè

Xonta lingambo
Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 160 modifica]
RICCORSO A VENERE.


SONETTO


Venere, a vù riccorro, a vù, che sè
    Dea dei amanti piena de clemenza,
    Quel vostro fìo m'hà fatto 'na sentenza,
    4Che mi son desperà, se la laudè.

Sentì quel, che l'hà dito, e giudichè;
    Che per chiavar ghe vuol bezzi, e pazienza;
    Se d'una cosa, o l'altra mi son senza,
    8Che staga a muso secco no vorrè;

Da vù domando tagio, e remission;
    Chi sà, che Amor tornando a giudicar
    11De mi no l'abbia qualche compassion?

Dovè sta leze in massima tagiar,
    Che, se vive lassè ste condizion,
    Xe molto pochi quei, che puol chiavar;
                    14E 'l Mondo puol mancar,

[p. 161 modifica]


Che, se no chiava nome chi hà tesori,
    A pochi se reduse i fottidori.
                    18Oh Regina de' Cuori!

Vù vedè ben col vostro alto intelleto
    Più, che mi assae 'l mal de sto Decreto,
                    21Per questo l'hò interdeto

In tutte le so parti, come 'l stà,
    E quei, che gà interesse mi hò cità;
                    24Vedeli tutti quà,

Se no i fà compassion; tutti se lagna,
    Che siben ghè de Donne una cuccagna
                    27Lori però no magna,

E poverazzi i fà mille mattezzi,
    E quando, ch'i ga voggia, no i gà bezzi;
                    30El Cazzo ghe và in pezzi,

[p. 162 modifica]


E desperadi i và quà, e là zirando,
    Ma questi, me dirè, de quando in quando
                    33I se lo và menando;

Xe vero, ma nol fà, se nò i ragazzi,
    Che i Omeni no fà certi strapazzi
                    36Dei so poveri Cazzi;

Puol darse, che succeda un brutto effetto,
    Che volendose tior qualche spassetto
                39I vaga nel Culetto,

Ma anca i pazienti a dirvela i xe pochi,
    O quelli, che ghe xe, xe tanto alochi,
                42Che i stà là, come gnochi;

I spiritosi no i puol star in stroppa,
    E quando, che no i monta sulla groppa,
                45De là presto i galloppa,

[p. 163 modifica]


E xe causa, ch'i và dalla puttana,
    E, come per el più no la xe sana,
                    48Manca la spezie umana:

Donca per tutte quante ste rason
    El tagio da vù imploro, e remission,
                    51E se avè compassion,

Come che sè Regina, e podè tuto,
    El tagio podè far, che 'l sia assoluto;
                    54In brazzo a vù me buto;

Considerè pò ancora, o gran matrona,
    I danni, e pregiudizj della Mona,
                    57Infondeghe a ogni Dona

Un spirito d'Amor, de caritae,
    E che no le sia tanto interessae,
                    60Ma de bone chiavae

[p. 164 modifica]


Che le se fazza dar da tutti quanti,
    Siben le sà, ch'i gà pochi contanti,
                    63Basta i sia veri amanti.

Fenìa la mia orazion s'hà sentìo allora
    Da quei ministri a dir; dè liogo, fuora.
                    66Semo andai in bonora,

E pò una campanula in pochi istanti
    S'hà sentido sonar, e da quei fanti
                    69A dir; Parte davanti.

La zente giera là tutt'affollada
    Per sentir sta sentenza buzarada,
                    72Che cussì la xe stada,

Perchè Venere hà dito, si per Dìo,
    Mi laudo la Sentenza de mio fìo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Venere,_a_vù_riccorro,_a_vù,_che_sè&oldid=54759"