Mi adoro 'l Sol, perchè mi trovo in quelo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← I ve suppia in tel Cul, se ve neghè | Edission e fonte ▼ | I gran poeti dell'antichità → |
Mi adoro 'l Sol, perchè mi trovo in quelo
Tutto 'l bello, ch'in Dìo tutti ghe trova,
Che lù sia solo, e trino me fà prova
4Corpo, luse, color, che ghe xe in quelo.
Lù vede tutto, e lù stà sempre in Cielo,
E tutto 'l Mare senza, che 'l se mova,
E per quanto s'infonda, e che'l ne giova,
8Dell'esser soo lù no consuma un pelo.
La zente tutta dell'antichità
Col lume de rason semplicemente
11Hà cognossù sta bella verità;
Ma col voler crearse un altro Ente
De sta sorte un effetto i gà causà,
Ch'i Omeni in ancuò no adora gnente.
15El Sol xe onnipotente;
Osservè cosa 'l fà; per lù vien fuora
Quella bella del Ciel limpida aurora,
18Tutt'i campi s'infiora,
Per lù i tramanda tanti boni odori,
E l'erbe, e i frutti gà tanti sapori.
21Tutti quei gran tesori,
Che produse la terra in eccellenza,
La xe tutta del Sol forza, e potenza.
24A qual se sìa semenza
Lù dà vità, e virtù col so calor,
E lù de tutto quanto xe 'l creator,
27Vardè, se no fà orror
La campagna, co 'l lassa de scaldar,
Se in disgrazia de Dìo tutto no par,
30El freddo fà tremar;
E dal tirar, che fà la Tramontana,
Le bestie anca più fiere se rintana;
33Tutta la spezie umana
Par, ch'abbia da perir in quell'istante,
Che suppia Borea in Cielo fulminante;
36Più cantar sulle piante
I Oselli, come i fava, no se sente,
E se giazza oltre 'l fiume anca 'l torrente,
39Sbasìa tutta la zente
Dal freddo, e da miserie se retira,
E per scaldarse i Omeni delira,
42Quà, e là 'l villan sospira,
Perchè per la campagna, poverazzo,
Altro no sà trovar, che neve, e giazzo;
45Nol trova altro solazzo,
Che star al fuogo, e per necessità
Tocca a morir a quel, che no ghe n'hà;
48Co 'l Sol pò torna quà;
Che la terra 'l scomenza a rescaldar,
Se vede la Natura a respirar,
51Tutto più bello par;
Osservo a vegnir sù l'erba novella,
E a correr per el prà la pastorella,
54Ch'assae più allegra, e bella
Là và 'l so caro armento pascolando,
E sul monte, e sul prà la'l và menando,
57E la và cantuzzando,
E al so cantar cussì soave, e bello,
Ghe risponde dall'albero l'Osello;
60Allegro el pastorello
Anca lù salta fuora della stalla,
E menando quà, e là la so cavalla,
63El salta, 'l canta, e 'l balla,
E co 'l se mette arrente alla so Diva,
El tira fuora subito la piva,
66Quando no la xe schiva,
Che no la fà gnessun ressentimento,
El se mette a sonar quell'istrumento.
69Tutti do dal contento
I giubila sull'erba destirai
Con innocenza senza far peccai;
72In somma per i prai
Tutti i anemali se rallegra 'l cuor,
E fin l'Aseno ancora và in amor.
75Ah! Che 'l Sol xe 'l fattor
Delle cose del Mondo cussì belle,
Per lùerrata corrige originale luse la Luna, e anca le Stelle,
78L'anema el xe de quelle,
E della massa intiera de sto Mondo,
Se delle cose 'l penetra nel fondo
81Col so calor profondo;
Tanto, che quando 'l và tutt'è destrutto,
E quando 'l torna, se reniova tutto.