Ghe xe al Mondo certi siori

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 144 modifica]
CONTRO CHI DISE MAL DELLA MONA.


CANZONE


Ghe xe al Mondo certi siori,
    Che acquistar se crede onori,
    Biasimando la gran Mona,
    Che de tutti xe parona,
    5Ma a costori mi vorrìa,
    Che ghe fusse buttà vìa
    Tanto 'l Cazzo, che i cogioni,
    Perchè più no i fusse boni
    De cazzarlo in quel busetto
    10Fin dal Papa benedetto.

Mi se al Mondo comandasse
    Vorrìa un Boja, che impiccasse

[p. 145 modifica]

    Questa zente buzarona,
    Che no vuol lodar la Mona;
    15Quella Mona, che xe stà,
    E che sempre mai sarà
    La delizia dei Cotali,
    E 'l prencipio dei mortali,
    Dalla qual nascemo tutti
    20Tanto vecchj, quanto putti,
    Ch'hà dà al Mondo dei soggetti
    Valorosi, e assae perfetti,
    Che de scienza, e de vertù
    No se puol pensar de più.

25Da chi è nato un Ciceron,
    Da chi Omero, ed un Platon,
    E tant'altri inzegni rari
    In virtù sì singolari,

[p. 146 modifica]

    Se nò, che da quella Mona,
    30Ch'è stimà da ogni persona.

Perchè mai tante Città
    Xe stà al Mondo fabbricà,
    Tanti lioghi deliziosi,
    Edifizj sì costosi,
    35Che per solo recrear
    Quella Mona singolar,
    Che conserva, e che mantien
    Con onor el Mondo pien,
    Che la causa la xe stà
    40D'ogni gran felicità.

Cosa mai sarìa de nù,
    Se no fusse al Mondo più
    Una cosa tanto bella,
    Ch'innalzar fà la Cappella?

[p. 147 modifica]

    45Cosa mai farave 'l Cazzo,
    Se no avesse più 'l solazzo
    De chiavar a piacimento,
    E de starghe sempre drento?
    Mai più al Mondo ghe sarìa
    50Nè più Feste, nè allegrìa,
    Sarìa ognuno desperà,
    E a zirar de quà, e de là
    Andarìa tutti pian pian
    Col so gran Osello in man.
    55Chi un pochetto el menarìa,
    E pò in Culo el cazzarìa
    D'un bel Muso, o pur d'un foro,
    Finchè fuora vien el sboro,
    O de qualche ragazzetto,
    60Che gavesse un bel Culetto.

[p. 148 modifica]


Finirìa el gran Mondo ancora,
    E andarìa tutto in malora,
    Se la Mona a nù mancasse,
    E l'Osello no pissasse;
    65Eppur ghè chì la strapazza,
    E la tien per una strazza.

Mi però digo a sta zente,
    Che no i xe boni da gnente;
    Che capaci mai i xe stà
    70De chiavar a sazietà,
    Che no i sà cosa sia gusto;
    Quando in Mona el ghe và giusto.

Se nol fusse un gran solazzo
    Furegarghe ben col Cazzo,
    75No avarìa tante persone
    Fatto vite buzarone

[p. 149 modifica]

    Per andar drento in quel buso,
    E cazzarghelo ben suso.
    Cos'hà fatto Giove istesso
    80Per aver la Mona appresso?
    In un toro el s'hà mudà,
    E una Vacca el gà chiapà,
    E un gran gusto lù provava
    In quel punto, che 'l chiavava:
    85El spenzea da buzaron
    Co quel tocco de Cazzon,
    E se arrente alcun gh'andava
    Gran scalzae lu ghe dava,
    E pò dopo col so Oselo
    90Tutto mogio l'è andà in Cielo.

Marc'Antonio lo dirà
    Quanti bezzi gà costà

[p. 150 modifica]

    De Cleopatra el bel monin
    Si ben fatto, e pichenin,
    95Quanti è stadi i so sospiri,
    Le so smanie, i so deliri;
    Se 'l dormiva el se sognava,
    Che Cleopatra lù chiavava
    E 'l disea, mia vita, sboro,
    100E dal gusto quasi moro;
    Quando 'l giera pò svegià
    El pareva un insensà,
    Dall'affanno el delirava;
    Perchè 'l Cazzo ghe tirava;
    105El levava sù dal letto,
    E l'andava vìa soletto,
    E mi quasi son sicuro,
    Che 'l l'avrìa cazzà in t'un muro.

[p. 151 modifica]

    Cosa pò, che lù gà fatto,
    110El se immagina in un tratto;
    Quando questa el gà trovà
    Le so cottole el gà alzà,
    E 'l gà dito, mi vorrìa
    Darve un baso, vita mìa;
    115Pò, se vù no avessi a mal;
    Parar sù vorrìa 'l Cotal.
    Ella allora la gà dito,
    M'è vegnù anca a mi 'l prorito;
    E senz'altro complimento
    120El ghe 'l mette tutto drento.

Me par giusto esser presente,
    Quando 'l dava quelle spente;
    Tanto d'occhj lù tirava
    In quel punto, che 'l chiavava;

[p. 152 modifica]

    125E per darghe più trastulo
    La menava ben el Culo.

Mo l'è un gusto molto grando,
    El diseva lù chiavando,
    Vù sè sola 'l mio tesoro,
    130Per vù sola adesso sboro,
    Ve Vorrìa sempre co mì
    Per chiavarve notte, e dì.
    Ella allora rispondeva,
    E al so gemito diseva,
    135Anca mi provo solazzo,
    Quando in Mona hò 'l vostro Cazzo,
    Vorrìa sempre fussi quà,
    Ma col Cazzo ben tirà,
    Vorrìa darve el bel permesso,
    140Che vegnissi in Mona spesso.

[p. 153 modifica]


Altre cose sti do amanti
    I s'hà dito in pochi istanti;
    Basta solo, che mi diga,
    Che per fotter sta so amiga
    145Molto assae l'hà consumà,
    Ma 'l la gà pò alfin chiavà.

Caloandro cos'hà fato
    Per aver Clorinda a lato?
    Da ogni parte lù zirava
    150Col so osel, che ghe tirava,
    Per aver la Mona altiera
    Della bella so guerriera;
    Alfin dopo el l'hà trovada,
    E sul letto colegada,
    155Prima basi, e pò chiavae
    Lù ghe dava buzarae.

[p. 154 modifica]


Tutto quanto lù suava
    Dal gran gusto, che'l provava;
    Mona cara, quante stente
    160Fà per tì mai tanta zente!

Se podesse mi vorrìa
    Sempre in letto qualche fìa;
    Sarìa questo un gusto bello
    Poder metterghe l'Osello,
    165Pò basar quei mustacchioni,
    Che stà in liogo de cogioni,
    E co 'l Cazzo me tirasse
    Vorrìa in Mona, che l'andasse,
    Vorrìa spenzer da galliotto
    170Finchè avesse svodà 'l gotto,
    E un bel sonno vorrìa far
    Per tornar dopo a chiavar.

[p. 155 modifica]

    Quando fusse pò svegià
    Col mio Cazzo inalborà,
    175Tornarìa de niovo ancora
    A chiavar quella signora;
    Mi vorrìa, che 'l so culetto
    La menasse anca un pochetto,
    Ogni cosa vorrìa far
    180Per veder quella a sborar.
    Sarìa questo un gran trastulo
    Dopo quel d'andarghe in culo.
    Un gran gusto el xe chiavar
    Una Mona singolar
    185Ah! Che i diga quel, che i vuol,
    L'è un gran spasso, co se puol
    Sbabazzarse co 'na Dona,
    Che la Cocca gabbia bona,

[p. 156 modifica]

    Che la gabbia un bel busetto
    190Da ficcarghe l'Oseletto;
    A sentirla pò a sborar,
    Co se xe drìo per chiavar;
    A veder tutti quei motti
    I xe gusti da galliotti.

195Se no fusse cosa bona
    El chiavar 'na bella Dona;
    No sarìa stà mai quà in terra
    Frà la zente tanta guerra,
    No sarìa Giove dal Cielo
    200Vegnù abbasso col so Oselo,
    No avarìa speso tesori
    Tanti Rè, tanti Signori.
    Poderìa questo bastar
    Per far veder, che 'l chiavar

[p. 157 modifica]

    205Una Mona deliziosa
    È stà sempre bona cosa.

No ghe xe gusto più bello,
    Che cazzarghe sù l'Osello,
    Batter ben quei do cogioni
    210Sora quei do mustacchioni,
    Sin che vien la conclusion
    De sto gusto buzaron.

Se la xe pò 'na Monina
    D'una bella fantolina,
    215Tutto 'l corpo allora è in motto
    Cavalcando ben de trotto,
    Ogni membro fà qualch'atto,
    Ch'un piaser el xe da matto;
    Ogni parte xe impiegà
    220Per toccar de quà; e de là;

[p. 158 modifica]

    Se ghe dà la lengua in bocca,
    Pò le tette se ghe tocca,
    Se ghe palpa el bel Culetto
    Per sentir quel bon freschetto,
    225E dal gusto, che se prova,
    Tutti mogi se se trova.

Mona cara, Mona amabile
    Vù sè pur molto adorabile.
    Se depenzer mi savesse
    230Vorrìa farme in le braghesse
    El ritratto al natural
    De quel buso principal;

Per vederve ogni momento,
    E provar qualche contento,
    235Mi ve prego caldamente
    De tegnirme sempre in mente,

[p. 159 modifica]

    E prottesto quà, e ve digo
    D'esser sempre vostro amigo;
    Mona cara mi ve abbrazzo,
    240Comandè, co volè el Cazzo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ghe_xe_al_Mondo_certi_siori&oldid=43776"