Come, che v'hò promesso, o Doria mìo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 245 modifica]
EL BONFADIO DESCRIVE L'ALTRO MONDO AL DORIA.


SONETTO


Come, che v'hò promesso, o Doria mìo,
    De vegnirve a trovar dall'altra vita,
    Ve digo, che no ghè 'na fatta, e dita,
    4De quel, che dise i Preti, nò per Dìo;

Che come i lo descrive no xe Dìo,
    Che lù no tien l'Anema nostra afflita,
    Siben, che co la muor tutta contrita,
    8No ghè bisogno d'esser santo, e pìo.

Nell'altro Mondo semo tutti eguali,
    E no ghe xe sto liogo da purgar,
    11Nè quello, dove mai fenisse i mali;

Che Dìo no s'hà curà mai de pensar
    Alle cose dei miseri mortali,
    E alle cause seconde 'l lassa far.
                        15Fè conto, che 'l sia un Mar,

[p. 246 modifica]


E, come da sto Mar tutti nascemo,
    Dopo morte in sto Mar tutti tornemo.
                        18Tutti spiriti semo;

E no ghe xe gnessun corporeo oggetto,
    Come hà scritto quel matto de Maometto,
                        21Che ghe sarà 'l diletto

Del senso delle Donne cussì belle,
    Che gnente valerà queste con quelle,
                        24Che s'averà da elle

Dei gusti tanti, e tanti godimenti,
    Che pienamente ne farà contenti;
                        27Questi xe i sentimenti

De quel legislator astuto, e forte,
    Perchè allegri i soldai vaga alla morte
                        30Ch'i averà a sorte

[p. 247 modifica]


De goder quelle Donne a sazietà
    Per quanto longa xe l'eternità.
                        33Per tutto pò hà cercà,

Nè gò visto quel Dio, ch'a predicarne
    Xe vegnù, che magnemo la so carne,
                        36Ch'hà studià de ficcarne

In testa dei misterj, e specialmente
    La Trinità, che no s'intende gnente,
                        39La grazia sufficiente,

El peccà original, e altre dottrine,
    Che nel Mondo hà causà tante rovine;
                        42Che gran Carneficine

No gà prova quei poveri Cristiani
    Perseguitai al tempo dei Romani!
                        45Oh Dìo! Quanti gran dani

[p. 248 modifica]


Sta Religion hà fatto; e per i altari
    In malora xe andà i particolari,
                        48Che passa i zorni amari,

E no sà, come ancuò farse le spese,
    Che'l so sangue xe andà tutto in le Chiese!
                        51E no ghe xe difese;

I puol ben esclamar le robe mie
Xe andà a ingrassar i Chiostri, e le Bazìe.
                        54Che gran pò strigarìe

No hà fatto i Papi un dì per ingrandirse,
    E colla roba d'altri pò inricchirse.
                        57I hà scomenzà a vestirse

Col Regio manto, e in testa la Corona,
    E a far tremar qualunque sìa persona;
                        60E quella zente bona

[p. 249 modifica]


Hà lassà tanto alfin, che quei s'estenda,
    Che la so autorità xe stà tremenda,
                        63Fin de por in vicenda

Col pretesto de massime, e d'errori,
    Prencipi, Rè, Duchi, e Imperadori.
                        66Figureve, che orrori!

E pur questo, se femo refflession,
    Xe 'l frutto de sta bella Religion.
                        69I me fà compassion

Quelli, che ancora al Papa presta fede;
    E che alle so gran buzare i ghe crede.
                        72De San Piero in la rede

Se vede ben, che quelli xe chiappai
    Senza vegnir de là fuora più mai;
                        75Molti un dì xe scampai,

[p. 250 modifica]


E risoluti i l'hà portada fuora,
    Ma i più cogioni ghe xe drento ancora;
                        78Ma vegnirà quell'ora,

Come, che andà xe tante religion,
    Ch'anca questa anderà zò a tombolon.
                        81In che gran devozion

No giera Diana, Apollo, e altre Deità
    Nei tempi della gran semplicità!
                        84Quante cose ghè stà,

Che parlasse i oracoli i credeva,
    E i fava tutto quello, ch'i diseva;
                        87I grami no i vedeva,

Che quelle so risposte, e quei stramboti
    Le giera furberìe dei Sacerdoti;
                        90Quei popoli devoti

[p. 251 modifica]


Se rassegnava a quella strigherìa
    Sin a sacrificar la propria fìa;
                        93Alfin la xe fenìa,

E quella Religion tanto osservada
    Appena ancuò se sà la ghe sìa stada,
                        96Una gran cogionada

Se dà chi crede a sti legislatori,
    Che no i vede, ch'i xe tanti impostori,
                        99A forza de timori,

E de invenzion de quelle da poeti,
    I vuol, che s'eseguissa i so Decreti,
                        102E tegnirne soggeti,

E tiorne quella bella libertà,
    Ch'alla natura umana Iddio gà dà.
                        105Cos'è sta Eternità

[p. 252 modifica]


De pene in l'altra vita? In sta maniera
    L'è un far, che Dìo sia pezo d'una fiera.
                        108I Omeni sulla tera,

Che gnanca i sà, come sia fatto un pelo,
    I vuol saver quel, che stà scritto in Cielo,
                        111Coverti con un velo

De Religion, acciò, che no i se veda,
    I vuol a quel, ch'i dise, se ghe creda;
                        114No ghè caso, ch'i ceda

Gnanca quei, che xe pieni de sapienza,
    Ch'i sà, che le xe buzare in conscienza;
                        117Almanco in apparenza

I mostra d'esser zente de parola,
    Ma i fà per mantegnir la so Vignola;
                        120In quella i se consola,

[p. 253 modifica]


Che, s'anca i fà 'na vita retirata,
    Al fuogo sempre bogie la pignata.
                        123Una bella pensata

Xe stada quella de trovar un modo
    De viver senza metter gnanca un chiodo;
                        126Ma, in quanto mi, li lodo

D'aver trovà un mestier, perchè la zente
    Ghe daga da magnar senza far gnente.
                        129Ve digo fedelmente,

Che Dio in Cielo ride de sti mati,
    Che crede a quel, che dise i Preti, e i Frati,
                        132Ch'i è tanti ritrovati,

Che lù no hà rivelà a chi che sìa
    I so arcani, e ch'un sogno xe 'l Messìa,
                        135Che 'l sarìa stà un co-e-vìa

[p. 254 modifica]


Vegnir in terra a farse strapazzar,
    E farse anca dai Omeni magnar.
                        138Podeveli inventar

Cose le più inaudite, e stravaganti?
    Eppur tanti hà credesto a sti birbanti.
                        141Mi guardo quei regnanti,

Ch'alle Chiese hà donà Campi, e Palazzi;
    Convien dir, ch'i sia stà gran Visdecazzi;
                        144Oltre metterse i lazzi

Al collo d'una stretta Religion
    Contraria a tutte quante le passion.
                        147Vardè la Confession,

Che gran carneficina, che xe quella
    Per cavar fuora bezzi de scarsella!
                        150Quanti per vìa d'ella,

[p. 255 modifica]


Che s'hà fatto lassar nei testamenti,
    E gà fatto privar i so parenti;
                        153E alle so penitenti

Quanti per mezzo de sto sacramento
    Più d'una volta ghe l'hà messo drento!
                        156Orsù vivè contento,

E vivè con un animo giocondo,
    Che tutto quanto 'l mal xe quà a sto Mondo.
                        159El xe un cervello tondo

Chi crede, che de là ghe sìa tormenti
    De crucj, fuogo, e de stridor de denti.
                        162I xe tutti contenti.

Dito questo, el Bonfadio è tornà in drìo,
    E l'hà fatto in quel Mar un bel Caorìo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Come,_che_v%27hò_promesso,_o_Doria_mìo&oldid=46653"