Per l'ingresso del paroco

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Per l'ingresso del paroco
(Fando el so ingresso de Piovan don ...)
1857-58
←  Per l'album de la regazza Eleonora Edission e fonte ▼ Per l'album de la contessa Aneta  →


[p. 209 modifica]
FANDO EL SO INGRESSO
DE PIOVAN DON . . . . .


Dal dì, tuti lo sà,
     Che Adamo ga pecà,
     E del pomo goloso
     El s'à lassà far zoso
     5Da marzoco
     Magnandoghene un toco,
     Tirana la natura
     A far vilegiatura
     La n'à messo
     10In sta vale tristissima del pianto,
     Nela qual el complesso
     Dei mali a nostro dano la ga spanto;
     E con funesto efeto
     Da quela volta in qua
     15Ga l'omo el gran difeto
     De averse dedicà

[p. 210 modifica]

In tutoquanto quelo,
Che nol saria dal Cielo
Destinà,
20Salva, la ze ben chiara,
Una qualche ecezion
Ma che ze rara,
Come in altra ocasion
Go rimarcà
25Anca per el passà.

E che la sia cussì
Ancuo la prova ve la dago mi,
Che senza pensar su, da testa mata,
Da zuca, da melon,
30De cossa che se trata
E quel che son,
Da un sentimento interno stimolà
Me so determinà
Col mio rimario e la chitara al colo
35De andar sul monte a suplicar Apolo,
Aciò che in sta zornada el me permeta
Per grazia e bontà soa far da poeta.

Apena arivà suso
Me presento
40Per farghe un complimento,
Ma lu co un certo muso
Da inquisitor de stato,
Come se avesse fato
Qualche grave mancanza,

[p. 211 modifica]

45El me tira da banda,
Avendo in tei calcagni la creanza,
E 'l me fa la domanda,
Conoscendome a naso,
Perchè son tanto ardito
50De vegnir a sapar sora el Parnaso,
Se me manca qualunque requisito.

Quantunque sbigotio da sta acolgenza
Poco per verità poco obligante,
Ghe digo: — se m'ò tolto sta licenza
55No la staga a suponerme arogante,
Ma sicome fra el giubilo e 'l bacan
Ancuo ghe ze l'ingresso
De un Piovan,
Al qual mi ghe professo
60Longa amicizia, servitù e rispeto,
Cussì son qua venudo in sta zornada
Co l'intenzion de scriverghe un soneto
Da poder dispensar per la contrada,
Nel qual epilogar voria de lu
651 tanti pregi, le so gran virtù. —

Alora me risponde el biondo Apolo
Con un ton de disprezzo e de ironia:
La ga una certa dose de pandolo
Nela fisonomia,
70Che in vista a sta rason no ghe permeto,
Qualunque sia l'ogeto,
Del caval pegaseo montar in gropa,

[p. 212 modifica]

Perchè co do sbarae
La va a gambe levae
75Che la se copa;
La toga el mio consegio,
La torna a casa soa che sarà megio,
E in mezzo qualche prà
Co vien sto magio
80Cantar la podarà
Co più coragio. —

Da bestia, da ustinà,
Confesso el mio pecà,
Malgrado sto tantin de rebalton
85Voleva a tuti i pati
Aver el don
Che'l ghe concede ai vati;
Ma quando co l'idea de interessarlo
Go credesto ben fato
90De informarlo
Chi gera el candidato,
Che gaveva intenzion
De celebrar,
A Apolo, co rason,
95Lo devo a mio dispeto dichiarar,
Ghe ze venudo suso un simiton,
E co tanto de muso
Me cazza do pignate,
E po me dise: — vate...
100Nè azzardarte mai più vegnir qua suso,

[p. 213 modifica]

 
Che de sto sacerdote i pregi bei
Lodar come convien no pol che i dei.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Per_l%27ingresso_del_paroco&oldid=39387"