Per l'album de la regazza Eleonora

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Per l'album de la regazza Eleonora
1857-58
←  Letera a Teresa Edission e fonte ▼ Per l'ingresso del paroco  →


[p. 206 modifica]
PER L'ALBUM
de la regazza Eleonora . . . . .


De Giove al tribunal
     Capita un memorial
     De bon ingiostro scrito
     Da un numero infinito,
     5Che co i s'à maridà,
     Pensando saviamente,
     Come che veramente
     Va pensà,
     I ga cercà una dona
     10E brava, e bela, e bona,
     Ma che da Amor ze stai
     Per un conto o per l'altro minchionai.
Giove ben informà
     Che le ze verità,
     15Che no gh'è impianti,
     Amor chiama davanti,

[p. 207 modifica]

E con quatro parole, ma de quele
Da portar via la pele,
Che dà una gran salata
20Disendoghe cussì, che co se trata
Servir a un omo onesto, che procura
De torse per compagna
Una creatura
Col fisico e 'l moral senza magagna,
25Bisogna contentarlo,
No se deve inganarlo,
Minaciandolo de la dimission
A la prima ocasion,
Che 'l preceto presente
30No l'avesse osservà precisamente.

Amor che ga criterio,
Capindo che l'afar
Podeva deventar
Piutosto serio,
35E che non adempindo sto preceto
El meteva in pericolo el paneto,
Dopo aver ben pensà
Che presenta una istanza
Disendoghe: — maestà,
40Aciò la mia ignoranza
El mio scarso talento
No fassa che cometa
Un mancamento,
La prego, la permeta.

[p. 208 modifica]

45Che vegna a suplicar
De voler darme
Un preciso esemplar
Da regolarme —

Apena al protocolo capitada
50Giove l'à esaminada,
E po ipso facto,
Giudizioso quel dio,
Ghe l'à mandada indrio
Co sto atergato:

55— Perchè no possa Amor trovar obieto
De incontrar a puntin quando che ocore
El Nostro irevocabile decreto,
Per modelo ghe demo la Eleonora,
Dove secondo Nu
60Gh'è bonta, gh'è belezza e gh'è virtù.