L'ingenuo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
L'ingenuo
1857-58
←  Pieroto Edission e fonte ▼ La permalosa  →


[p. 123 modifica]
L'INGENUO.


Tonkà - tonkè - tonkì - tonkò - tonkù,
     Quelo che nel Perù
     Avanti ga regnà
     De Salabalakà,
     5Alora su la tera
     Se contava fra i pochi
     Omeni de sta sfera,
     Che no fusse marzochi,
     Anzi el gera dotà
     10De qualche abilità.
Ma sicome a sto mondo tutiquanti,
     Filosofi e ignoranti,
     Ze da un maligno istinto strassinai
     A ocuparse de quelo
     15Che no i saria dal Cielo
     Destinai,

[p. 124 modifica]

     Cussì anca lu,
     Tonkà - tonkè - tonkì - tonkò - tonkù,
     Che gera a dirla schieta
     20Tut'altro che poeta,
     Gaveva la mania
     De scriver in poesia,
     E po de trato in trato
     Quando l'aveva fato
     25Strussiando l'inteleto
     Un strazzo de soneto,
     Una canzon, O un altro zilbaldon,
     Co la so testa iluso
     De aver fato un lavoro da cartelo
     30Ghe lo diseva suso
     A questo e a quelo,
     Senza mai sospetar che lo adulava
     Tuti chi lo lodava.
Tonkà - tonkè - tonkì - tonkò - tonkù,
     35Gaveva fra i so grandi, no par vero,
     Uno co la virtù
     D'esser sincero,
     Al qual avendo leto
     Un insulso soneto
     40De quei da canachion,
     E avendolo obligà
     A dir co ingenuità
     La so opinion,

[p. 125 modifica]

     Al solito sincero
     45El ga risposto che nol val un zero.
Su le furie montà contro de lu
     Tonkà - tonkè - tonkì - tonkò - tonkù,
     Assoluto paron,
     Chiama i so sgheri,
     50E no gh'è remission,
     Lo manda in feri,
     Come el più gran birbante,
     Drento d'una preson vita durante.
Passà del tempo molto
     55Ga concesso el perdon,
     L'à ordina che 'l sia sciolto,
     E nela persuasion
     De aver composto
     Alquanto tempo dopo una poesia,
     60Che megio no faria
     Tasso nè Ariosto,
     Tonkà - tonkè - tonkì - tonkò - tonkù,
     Un zorno l'à chiamà,
     El ghe l'à dita su,
     65E po ga domandà
     La so opinion,
     Ritenendo che dopo una lizion
     Tanto eloquente,
     Dopo tanto disgusto
     70El saria più prudente,
     Anzi secondo lu saria più giusto;

[p. 126 modifica]

     Ma l'omo proprio raro,
     Che no gera busiaro,
     A l'interogazion
     75Ga risposto — maestà, torno in preson.—


Fra i viventi che gh'è adesso
     A trovar se stentaria
     In sto caso chi comesso
     No gavesse una busia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27ingenuo&oldid=39310"