Pagina:Pronostici e versi di Camillo Nalin 3.djvu/126

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Cussì anca lu,
     Tonkà - tonkè - tonkì - tonkò - tonkù,
     Che gera a dirla schieta
     20Tut'altro che poeta,
     Gaveva la mania
     De scriver in poesia,
     E po de trato in trato
     Quando l'aveva fato
     25Strussiando l'inteleto
     Un strazzo de soneto,
     Una canzon, O un altro zilbaldon,
     Co la so testa iluso
     De aver fato un lavoro da cartelo
     30Ghe lo diseva suso
     A questo e a quelo,
     Senza mai sospetar che lo adulava
     Tuti chi lo lodava.
Tonkà - tonkè - tonkì - tonkò - tonkù,
     35Gaveva fra i so grandi, no par vero,
     Uno co la virtù
     D'esser sincero,
     Al qual avendo leto
     Un insulso soneto
     40De quei da canachion,
     E avendolo obligà
     A dir co ingenuità
     La so opinion,