I do ustinai

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
I do ustinai
1857-58
←  El quadro Edission e fonte ▼ El sogno  →


[p. 175 modifica]
I DO USTINAI.


Al ponte dei coconi a san cassan,
     In t'un logo a pepian
     Stava Checo Luserta,
     Che fava el calegher,
     5In compagnia de Berta
     Legitima muger,
     Do taroconi,
     Che i pareva per casa do mosconi,
     E d'una ustinazion
     10Granda a tal segno
     Da no fenir question
     Senza la mediazion
     De qualche legno.
Una sera de istà,
     15Dopo aver ben cenà,
     Bevù el so goto,

[p. 176 modifica]

E d'esser stai secondo el consueto
Un'ora grossa co la lengua in moto,
Brontolando i va in leto,
20Ma malapena soto
Se ne acorze Luserta,
Che la porta de strada
Gera restada
Averta,
25E in ton de comandar
Col pofardio ghe dise a so muger:
— Alon, vala a sarar,
Fa el to dover,
Essendo da le legi stabilio,
30Che la muger sia serva del mario. —

Rabina per natura e disgustada,
Che 'l fassa sta filada,
Co malagrazia ghe risponde Berta:
— Mi no me levo su,
35E se volè che no la staga averta
Senza far scene andè a sararla vu,
Se anzi ogni mario che tira dreto
De servir la muger ga per preceto;
Per mi za go fissà
40No moverme da qua,
Qua son sicura,
Per mi penso a dormir,
Vegna chi sà vegnir,
No go paura

[p. 177 modifica]

45Col mio temperamento
Gnanca d'un regimento. —

Dise Luserta
A Berta:
— Se ti fa l'ustinada
50Te molo una peada,
Dove che toca toca,
Te cuso quela boca
Scelerata,
Come che cusirave una zavata,
55Te ne dago un brueto
Da ogio santo,
Che te sequestro in leto
Chi sà quanto. —

Berta
60Dise a Luserta,
Tirando un corpo e fora:
— A mi sto boridon!
Savè che v'ò dà ancora
Sior toco de bufon
65De cossa son capace de le prove,
E se menè le man
Ve chiapo no sò dove,
Ve fasso un sancassan. —

Là nasce una barufa
70Che squasi i se petufa;
Uno sostien — no vago
A pugni se i me cazza; —

[p. 178 modifica]

St'altra — per mi qua stago
Se credo che i me mazza; —
75Vala a sarar, — oibò,
Sarela vu, — mi no, —
E dopo un tananai,
Che no finiva mai,
Dopo tanto andar drio
80Dal dito al fato
La question ga finio
Co sto tratato:
Quelo che primo parla
El dovarà sararla.

85Contenti de aver fata
Sta strana compatata,
Sia Berta quanto Checo
Da ustinai
Senza più bater beco
90De le ore i ze stai,
Quando da l'acidente
Passa per là un studente,
Un de quei scavezzoni, un de quei musi,
Da no poder fidarse,
95Che cerca de ficarse
In tuti i busi;
E a veder su la strada
De note anca avanzada
Porta averta
100Senza nissun a l'erta,

[p. 179 modifica]

 
Ritien, no essendo cuco,
Anzi assae franco,
Che ghe sia qualche truco,
O che 'l sia almanco
105Un positivo indizio,
Che in quel logo
Se possa darghe sfogo
A un bruto vizio.

No za senza rason
110Basà su sta opinion
Quel bon tabaro
Va drento apianpianin,
E sussidià dal chiaro
De un picolo lumin,
115Che i coniugi tegniva sul balcon,
El vede in conclusion
Checo che in leto
Lo varda ma stà quieto,
Nè fora de la gola
120El manda una parola;
Berta che messa in schena
La tase e se remena;
Ghe pensa su un pocheto,
El se avicina al leto
125Co qualche precauzion,
E cossa in conclusion
L'à fato alora
Nol s'à savesto ancora;

[p. 180 modifica]

Se fa una congetura,
130Ma no la ze sicura:
Quel che ze certo è questo,
Che 'l s'à destrigà presto,
E po senza parole
L'à tolto su le viole,
135Lassando averta come el l'à trovada
La porta de la strada.
Malapena sortio
Berta voltada
Verso de so mario,
140Tuta suada
Per l'avuda impression,
Metendose in senton
La salta su,
Eu visto? causa vu. —

145E Checo — no m'importa,
Ti è la prima a parlar, sera la porta.—

Queli, che ze ustinai, va co frequenza
Incontro a qualche ingrata conseguenza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=I_do_ustinai&oldid=39275"