Pagina:Pronostici e versi di Camillo Nalin 3.djvu/178

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E d'esser stai secondo el consueto
Un'ora grossa co la lengua in moto,
Brontolando i va in leto,
20Ma malapena soto
Se ne acorze Luserta,
Che la porta de strada
Gera restada
Averta,
25E in ton de comandar
Col pofardio ghe dise a so muger:
— Alon, vala a sarar,
Fa el to dover,
Essendo da le legi stabilio,
30Che la muger sia serva del mario. —

Rabina per natura e disgustada,
Che 'l fassa sta filada,
Co malagrazia ghe risponde Berta:
— Mi no me levo su,
35E se volè che no la staga averta
Senza far scene andè a sararla vu,
Se anzi ogni mario che tira dreto
De servir la muger ga per preceto;
Per mi za go fissà
40No moverme da qua,
Qua son sicura,
Per mi penso a dormir,
Vegna chi sà vegnir,
No go paura

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/178&oldid=64204"