Adio Busonico al Gran Rossini

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.

[p. 271 modifica]

La Corte Busonica già da gran tempo istituita, e nota ovunque, avendo destinato di dare un pranzo al Rossini che scrisse in quest'anno la Semiramide pel Teatro della Fenice, incaricò il poeta di fare un Brindesi da recitarsi in tale circostanza.

Si servì il poeta di termini propri al luogo ove doveasi recitare la composizione, ed alla persona del celebrato, ch'è il più gran ludro che si conosca, e per le sue maniere sociali, e per il suo carattere, che a tutto, e per tutti si mostra indiferente.


L'Adio Busonico al Gran Rossini.


          Spandè pur lagrime
     A goti a sechi
     Ludroni zoveni
     Ludroni vechi!
          L'onor primissimo
     De l'Armonia
     El ludro classico
     Sabo và via.
          Colpo terribile!
     Quela musana
     Sarà Domenega
     Da nù lontana.
          Lontan del secolo
     El novo Orfeo
     L'inesauribile
     Genio Europeo,

[p. 272 modifica]

          Che del so merito
     Sicuro mago
     Porta el caratere
     De ve ne incago.
          Spandè pur lagreme
     A goti a sechi
     Ludroni zoveni
     Ludroni vechi!
          Al busonissimo
     Chi mai ghe pol?
     Degno so emulo
     No xè ch'el Sol:
          Co note placida
     Spiega el so velo
     Vardemo estatici
     Brilar in cielo
          Inumerabili
     Astri minori
     Che in gara nobile
     Par tra de lori:
          Ma tuti palidi
     Sconde el so muso
     Co l'astro massimo
     Dal mar dà suso,
          Ne i torna lucidi
     A comparir
     Se l'astro Massimo
     No và a dormir.
          De sta alegorica
     Figura el segno
     Za imbroca rapido
     El vostro inzegno.

[p. 273 modifica]

          Stela vivissima
     Stela graziosa
     Xè in note placida
     Un Cimarosa.
          Fregio patetico
     Bel vostro cielo
     Xè el ragio tenero
     Del gran Paisielo.
          Ma d'ogni astronomo
     El canochial
     Manco d'un ravano
     In man ghe val,
          Co ne l'Oceano
     Del so splendor
     S'alza magnifico
     L'astro magior.
          Pur sto miracolo
     De l'età nostra
     Ludro piacevole
     Con mì se mostra.
          Lo cerca Principi
     Oltramontani
     Aneli, e scatole
     Ghe dà Sovrani;
          Regine altissime
     Ghe fa bochin
     Col veste l'abito
     De Trufaldin.
          Ministri amabili
     Con lù cartegia
     No gh'è anticamera
     Fin ne la regia,

[p. 274 modifica]

          E lù insensibile
     A tanta gloria
     Passeggia intrepido
     Su la vitoria,
          Ne un'ombra minima
     De presunzion
     Ghe leva el merito
     De gran buson.
          Spandè pur lagreme
     Ludroni tuti
     Moleghe unanimi
     Scoreze e ruti!
          Sempre de petole
     Per so trastulo
     El genio classico
     Gà sporco el culo.
          Involontario
     Come un putin
     El genio classico,
     Mola el pissin.
          Xè da un trienio
     (Per quel che sò
     Che un stronzo solido
     No ghe vien zò.
          E i flati armonici
     Del gran Pianeta
     Gà drio per solito
     La so coeta.
          Spandè pur lagreme
     Ludroni tuti
     Moleghe unanimi
     Scoreze e ruti!