Pagina:Poesie e satire di Pietro Buratti veneziano.pdf/274

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

          Che del so merito
     Sicuro mago
     Porta el caratere
     De ve ne incago.
          Spandè pur lagreme
     A goti a sechi
     Ludroni zoveni
     Ludroni vechi!
          Al busonissimo
     Chi mai ghe pol?
     Degno so emulo
     No xè ch'el Sol:
          Co note placida
     Spiega el so velo
     Vardemo estatici
     Brilar in cielo
          Inumerabili
     Astri minori
     Che in gara nobile
     Par tra de lori:
          Ma tuti palidi
     Sconde el so muso
     Co l'astro massimo
     Dal mar dà suso,
          Ne i torna lucidi
     A comparir
     Se l'astro Massimo
     No và a dormir.
          De sta alegorica
     Figura el segno
     Za imbroca rapido
     El vostro inzegno.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/274&oldid=58283"