Stela vivissima
Stela graziosa
Xè in note placida
Un Cimarosa.
Fregio patetico
Bel vostro cielo
Xè el ragio tenero
Del gran Paisielo.
Ma d'ogni astronomo
El canochial
Manco d'un ravano
In man ghe val,
Co ne l'Oceano
Del so splendor
S'alza magnifico
L'astro magior.
Pur sto miracolo
De l'età nostra
Ludro piacevole
Con mì se mostra.
Lo cerca Principi
Oltramontani
Aneli, e scatole
Ghe dà Sovrani;
Regine altissime
Ghe fa bochin
Col veste l'abito
De Trufaldin.
Ministri amabili
Con lù cartegia
No gh'è anticamera
Fin ne la regia,
