Una rama de garofoli rossi

by Berto Barbarani

3 Una rama de garofoli rossi I due canzonieri I due canzonieri/Libro V - Le adesine Barufe Le ròndene Berto Barbarani 1911 XX Poesie veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro V - Le adesine

Una rama de garofoli rossi

1911

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  Barufe

Edission e fonte ▼

Le ròndene  →

UNA RAMA DE GAROFOLI ROSSI.

Dal terso pontesèl¹ del me palasso
pìngola² zo 'na rama de garofoli
rossi. – La gente che vien fora a spasso,
då tanto che j è bei
la se ferma a guardarli e mime ingrasso,
in prima, parchè penso che j è mei,
dopo che nissun sa cosa gh'in fasso.³

Ghe dago l'aqua tute le matine,
aqua de l'aquedoto e sensa mìcrobi,
e, quando che spalanco le tendine,
lori i vèrse⁴ la boca
come par dir: Paron, do gossettine!
E mi also la broca
e ghe spianso⁵ el museto e le manine.

C'è che no sa che Dio m'ha messo a spale
una morosa che la veste in gringoli?⁶
Pur, la me spende poco e le so gale
no j è roba da franchi,
ma garofoli rossi, un par de ale⁷
d'erba luigia e gelsomini bianchi,
che la par la bandiera nassionale.

Quando el partito che combate el vissio
de i governi e de i omeni polìtici,
se stabilisse in piassa e el fa un comissio;
con gran disinvoltura,
el me garofoleto de giudissio
dise de sì anca lu, par far figura,
ma se trovo una guardia, me la sbrissio...⁸

Dal terso pontesèl del me palasso
pìngola zo 'na rama de garofoli
rossi. – La gente che vien fora a spasso,
da tanto che j è bei
la se ferma a guardarli, e mi me ingrasso,
in prima, parchè penso che j è mei,
dopo che tuti sa cosa gh'in fasso.

---

Note

1. pontesèl: poggiuolo, balcone
2. pingola: penzola
3. fasso: faccio
4. i vèrse: aprono, dischiudono
5. spianso: spruzzo.
6. in gringoli: coi fiocchi
7. ale: ramoscelli
8. me la sbrissio: me la svigno.