UNA RAMA DE GAROFOLI ROSSI.
Dal terso pontesèl[1] del me palasso
pìngola[2] zo 'na rama de garofoli
rossi. – La gente che vien fora a spasso,
då tanto che j è bei
la se ferma a guardarli e mime ingrasso,
in prima, parchè penso che j è mei,
dopo che nissun sa cosa gh'in fasso.[3]
Ghe dago l'aqua tute le matine,
aqua de l'aquedoto e sensa mìcrobi,
e, quando che spalanco le tendine,
lori i vèrse[4] la boca
come par dir: Paron, do gossettine!
E mi also la broca
e ghe spianso[5] el museto e le manine.
