Barufe

by Berto Barbarani

3 Barufe I due canzonieri I due canzonieri/Libro V - Le adesine I canarini Una rama de garofoli rossi Berto Barbarani 1911 XX Poesie veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro V - Le adesine

Barufe

1911

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  I canarini

Edission e fonte ▼

Una rama de garofoli rossi  →

BARUFE.

– Da qualche giorno, credelo,
     te sì cativo e scuro,
     ma ancò te meto al muro:
     fora la verità...

– Sfido mi! Manco ciacole,
     manco vestiti fini
     e manco capelini
     e manco giri in Brà...

– Eco, le storie solite:
     e manco, e manco, e manco...
     Se te me doni un franco
     l'è belo e... fusilà!

― Oh! Ma adesso la termino:
     Son stufo de sta vita...
― Vèstete da romita
     e magna el pan pentì...

― Quela la tegno in ultima...
     G'ô in vista un matrimonio...
– Ci spòsito?
                         ― El demonio!
– Alora, quel son mi!...