Su, puttane, a penitenza
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Donne, zà l'anno santo xe visin | Edission e fonte ▼ | Quello, che vedo, odoro, gusto, e sento → |
Su, puttane, a penitenza,
Che Quaresema xe quà,
Ai Bertoni dè licenza,
4Voto fè de castità.
Tacchè pur la Mona a un chiodo,
O mettela sul Camin,
Orsù vìa tendemo al sodo,
8Se bandissa ogni morbin;
Lassè star i Cazzi quieti
Per chiappar un pò de fià,
Lassè i ziri coi chiasseti,
12Che gavè de quà, e de là.
Fè liscia dei boccassini,
Ch'in sti zorni avè sporcà,
Tralasse de far più nini,
16Basta quei, ch'avè buttà.
Fè ai scolari sta sbarada,
Che in sti dì ve retirè,
Co no corre la mesada,
20Sò, ch'in Culo li gavè;
E a quel Frate benedetto,
Feghe dir, che 'l vaga in là,
Che ve ne darà un brueteo,
24Che pò ve despiaserà,
Perchè, a dirla colle bone,
Par, che vù altre abbiè rason,
Chi vuol Cazzo per le Mone
28No se sparta dal cordon.
Feve veder delle Chiese
Qualche volta a visitar,
E butteve zò destese
32Pater nostri a mastegar.
Ogni Venere de Marzo
Al perdon feve trovar,
E quà in mezzo mina, e squarzo
36Fè le tette bagolar.
Disè pur a sti viziai,
Ch'avè 'l sabo in devozion
De no farve fotter mai,
40S'anca fusse 'l bell'Adon.
Co gavè 'l moroso in casa,
Se qualcun mai vien da vù,
Feghe dir con bella rasa,
44L'è un cercante, che hà battù.
Fè, che vegna la massera,
Quando sè col paesan,
A contar con mesta ciera,
48Che no ghè nè vin, nè pan;
Con astuzia, e con inzegno,
Acciò 'l gonzo casca zò,
Disè pur, che gavè in pegno
52O la Cottola, o 'l mantò.
Se a qualcuno de sti amanti
Un regalo avè donà,
Chiappè pur el tratto avanti,
56E disè, che lù xe stà,
Se tocchè le brutte cosse
A qualcun, che no ghe n'hà,
Zurè pur, che le più grosse
60Vù più mai gavè toccà;
Ma, se mai ve vien a mea,
Non un Cazzo, ma un Cazzon,
De tre quarte, e quattro dea,
64Disè, questo è un bon boccon.
Perchè infin no para ingrato,
Se l'Osel m'avè liogà,
Co sto quarto de ducato
68La mia Musa v'hà pagà.