Son come xe talun ch'è roto in mar

by Maffio Venier

3 Son come xe talun ch'è roto in mar (Sonetto LXXVI) Canzoni e sonetti Sonetto LXXV. Che mi habbia da morir senza haver visto Venieresca I. Se no credesse un dì, vacca sfondrà Maffio Venier XVI Soneti Altra edizion: Il Lamento (1817)

Maffio Venier ―  Canzoni e sonetti

Son come xe talun ch'è roto in mar (Sonetto LXXVI)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LXXV. Che mi habbia da morir senza haver visto

Edission e fonte ▼

Venieresca I. Se no credesse un dì, vacca sfondrà  →

Altra edizion: Il Lamento (1817)

Son come xe talun ch'è roto in mar,
Che daspò una tempesta, una ruvina,
Su n'un pezzo de antena, o de carina,
El se mantegna vivo col nuar,

E daspò del patir e del stentar,
Zonto a forza de brazzi a la marina,
Vardando ben la vita soa meschina
El se mete rabioso a biastemar.

No perché l'è salvao da l'acque san,
Ma perché daspò haver mille tormenti
Scorsi per vadagnar, l'ha niente in man.

Cussì anca mi, daspò haver mile stenti
Passà per vadagnarve, assai lontan
Me trovo da quei chiari occhi lusenti.