Se da rabbia, cuor mio, e da martello

by Maffio Venier

3 Se da rabbia, cuor mio, e da martello (Sonetto XXIX) Canzoni e sonetti Sonetto XXVIII. Amor, va' drio cusì, nàvega e tien Sonetto XXX. Havarìa messo pegno mio fradel Maffio Venier XVI Soneti Altra edizion: Il Perdono (1817)

Maffio Venier ―  Canzoni e sonetti

Se da rabbia, cuor mio, e da martello (Sonetto XXIX)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XXVIII. Amor, va' drio cusì, nàvega e tien

Edission e fonte ▼

Sonetto XXX. Havarìa messo pegno mio fradel  →

Altra edizion: Il Perdono (1817)

Se da rabbia, cuor mio, e da martello,
Digo alle volte quel che no vorrìa,
L'è che vien in amor tal frenesia
Che vasta cusì el cuor come el cervello.

Se no ardesse per vu, musìn mio bello,
Se stasse ben, no me lamentarìa,
Savé ben co volé, colonna mia,
Se me fé deventar humil agnello.

Perdoné qualche volta al mio dolor,
Se el ne fa desperar più che no vòggio,
Che no son mi, l'è el spirito d'Amor.

Dio sa se son po gramo, e se me dògio,
E se me afflizze mortalmente el cuor
El vostro sdegno pi che el mio cordòggio.