Havarìa messo pegno mio fradel

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Havarìa messo pegno mio fradel (Sonetto XXX)
XVI secolo
←  Sonetto XXIX. Se da rabbia, cuor mio, e da martello Edission e fonte ▼ Sonetto XXXI. Mi che la darìa marza a un zarattan  →

Havarìa messo pegno mio fradel
De no m'haver da innamorar mai pi,
Ma no ho mai credù, misero mi,
Che fusse in terra un anzolo pi bel.

Ma veder un musìn d'un puerel
In su la primavera dei so dì,
Che ha tanti fiori de belezza in si
Quanti mai desse a tutte l'altre el ciel,

Sentir parole da fermar el sol,
Trovar gratia e costumi senza par,
Ma qual lion no se farìa un cagnuol?

Mai bramo pi de no m'innamorar,
Che d'un giazzo ardo tutto, e sì me duol
De no haver cento cuori da brusar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Havarìa_messo_pegno_mio_fradel&oldid=41795"