Il Perdono

by Maffio Venier

3 Il Perdono Maffio Venier XVI Soneti Indice:Poeti antichi del dialetto veneziano 2.djvu Altra edizion: Se da rabbia, cuor mio, e da martello (1993)

Maffio Venier

Il Perdono

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Se da rabbia, cuor mio, e da martello (1993)

IL PERDONO

Se da rabia, cuor mìo, se da martelo
     Digo a le volte quel che no vorìa,
     L'è che vien in amor tal frenesìa
     Che volta cussì el cuor, come el cervelo;

Se no ardesse per vu, musin mio belo,
     Se stesse ben no me lamenterìa,
     Savè ben co' volè, colona mia;
     Se me fè deventar come un'agnelo,

Perdonè qualche volta al mio dolor;
     Se me fè disperar più che no vogio;
     Che no son mi, l'e 'l spirito d'Amor;

Dio sa se pur son gramo! e se me dogio,
     E se me aflise mortalmente el cuor
     El vostro sdegno più che 'l mio cordogio.