Qual fiera stella, o qual empio destin

by Maffio Venier

3 Qual fiera stella, o qual empio destin (Venieresca XVII) Canzoni e sonetti Venieresca XVI. Dalla pi bella man, dal pi bel viso Venieresca XVIII. Daspuò haver sopportao mille tormenti Maffio Venier XVI

soneti

Maffio Venier ―  Canzoni e sonetti

Qual fiera stella, o qual empio destin (Venieresca XVII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Venieresca XVI. Dalla pi bella man, dal pi bel viso

Edission e fonte ▼

Venieresca XVIII. Daspuò haver sopportao mille tormenti  →

Qual fiera stella, o qual empio destin,
S'ha vogiù incrudelir contra de mi?
Chi me puol più fidar, gramo meschin,
Se mi son stao quel reo che me ho tradì?

Mai no ho bramà, fortuna, altro da ti
Che trovarme a sta donna un dì vesìn,
Misero, che son pur zonto a quel dì,
Ma giera mègio che arivasse al fin.

Che dove che sperava avrirghe el cuor,
E mostrarghe i mie danni e la mia fè,
Me l'incerchì de un subito timor.

Che me accade mo più sperar mercè,
Se o ne ghe vuol l'ardir pi che l'ardor,
A mala pena me ghe rezo in pè.