Daspuò haver sopportao mille tormenti

Da Wikisource
Jump to navigation Jump to search

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Daspuò haver sopportao mille tormenti (Venieresca XVIII)
XVI secolo
←  Venieresca XVII. Qual fiera stella, o qual empio destin Edission e fonte ▼ Venieresca XIX. Diséme un puochetin donde che avvien  →

Daspuò haver sopportao mille tormenti,
Scorso mari e passao Carriddi e Scille,
E, novello Giason, moderno Achille,
Orsi, lovi, leoni, homeni e venti,

E daspuò haver co mille impedimenti
Circondao mari e passao terre e ville,
Vittorioso alfin de più de mille
Cani becchi fottui mie concorrenti,

Redutto qua con la mia donna in brazzo,
In bonazza de mar e de tempesta,
Senza pur un pensier che me molesta,

A perpetua memoria attacco questa
Tola al to tempio, Amor, za ch'el mio cazzo
Daspuò tante vezilie ancùo fa festa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Daspuò_haver_sopportao_mille_tormenti&oldid=41555"