Poesia e bicicleta

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Poesia e bicicleta
1911
←  Un orto poareto Edission e fonte ▼ La rosta  →
[p. 27 modifica]
Poesia e bicicleta



     Quando che g'ò la testa proprio straca1
e che sento el convulso ne i zenòci,2
me salta el mato e buto via de paca3
4tute le carte che g'ò soto a i òci.

     È inamorà de 'l sol che s-cioca4 fora,
co 'na vóia5 de córar malingreta,
guardando le montagne che se indora,
8lasso la casa e monto in bicicleta.

[p. 28 modifica]


     via sensa strussie6 in meso a la campagna
co l'aria che me sbisega le rece,7
che a poco a poco el par che la me magna
12tuti i fastidi e le magagne vece;

     e pedalando, sento che a i zenoci
gh'è andada via la convulsion de paca,
e po' girando più pulito i oci,
16sento la testa che no no l'è più straca.

     Vedo lo margarite in meso al verde
che le me dise tanta poesia,
e un fosseto distante che 'l se perde,
20che 'l se fa vedar par scaparme via.

     Vedo de spianso qualche fila intiera
de pigni verdi, driti e sempre alerta,
e i piloti che i resta lì de piera,
24quasi incantadi co la boca verta.8

[p. 29 modifica]


     E schivando l'orlivo9 de un bel fosso,
vao sercando el papavaro che scapa,
che 'l par che 'l sia cressudo così rosso,
28par fermar la putela e dirghe: «Ciapa,10

     pòrteme a spasso co la to manina,
méteme li davanti sul to sen,11
che son mi quel papavaro biondina,
32che a le putele ghe voi tanto ben!»

     Ma sti pensieri i passa tuti quanti
e mi passo anca mi come 'na slita,
sensa curarme che g'ò lì davanti
36'na malingreta e longa de salita.

     E rusando in le rece al par del vento,
'na scerta vosse che la par rabiada,
la me dise che staga un poco atento,
40che lassa i fiori e guarda la me strada.

[p. 30 modifica]


     Mi ghe rispondo: “Tasi che l'ò intesa!„
Ma co la scusa de un fioreto rosso,
vado finir in meso a qualche sesa,
44o a repoton in fondo a qualche fosso.



Note
  1. straca: stanca
  2. zenoci: ginocchi
  3. de paca: di botto
  4. s-cioca: brucia
  5. voia: voglia
  6. sensa strussie: senza pensieri
  7. rece: orecchie
  8. verta: aperta
  9. orlivo: orlo
  10. ciapa: prendi
  11. sen: seno