Per el batizzo del primogenito de do sposi

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Nel giorno
che se batizza el primogenito
de do sposi
1857-58
←  Per l'album de la contessa Aneta Edission e fonte ▼ Ritrato de dona Cate  →


[p. 223 modifica]
NEL GIORNO
CHE SE BATIZZA EL PRIMOGENITO
DE DO SPOSI.


Sta matina iscaturio
     Va da Venere so fio,
     E ghe dise; — el muso drento
     Za un mumento
     5Mi go dà
     A un amabile putelo
     Malapena batizzà,
     Caro tanto e tanto belo,
     Che qualunque lo vardava
     10Lo trovava,
     Questo è un fato,
     De presenza el mio ritrato;
     Tantochè sin che l'è picolo
     No ghe ze nissun pericolo,
     15Ma ze facile che quando
     El sarà venudo grando

[p. 224 modifica]

El me porta via el paneto
E che alora sia costreto,
Dopo tanto che ò strussià,
20De cercar la carità,
Perchè a dirla ingenuamente
Se i me tol sto ministero
Resto un vero
Bon da gnente,
25Per aver, dachè son nato,
A sto mondo
Sempre fato
El vagabondo.

Aciò el caso no suceda
30De ridurme miserabile,
Presso Giove la interceda
Che sia messo in pianta stabile;
Za per ela, mi lo sò,
E sò anca la rason,
35No l'è bon
De dir de no; —

Ma so mare navegada
Ghe risponde a sta filada: -
Sì ze vero, sò anca mi,
40Sò anca mi che quel putelo

[p. 225 modifica]

El ze belo
Quanto ti,
Ma stà pur col to cuor quieto,
Nol te porta via el paneto,
45Sta pur quieto perchè lu
Cressarà sora la tera
Un modelo de virtù,
Imitando in sta maniera
I bei numeri che ga
50La so mama e 'l so papà,
Quando tuto a rincontrano
Al to posto necessario
Sarà sempre, te protesto,
Sin che 'l mondo cussì dura,
55Tuto altro che l'onesto,
Che 'l faria trista figura.