Oh, quante volte al dì son un lion!

by Maffio Venier

3 Oh, quante volte al dì son un lion! (Sonetto XVII) Canzoni e sonetti Sonetto XVI. Anzoletta del ciel, senza peccà Sonetto XVIII. Mo se se chiama Dio l'eterno amor Maffio Venier XVI Soneti Altra edizion: L'amore senza compenso (1817)

Maffio Venier ―  Canzoni e sonetti

Oh, quante volte al dì son un lion! (Sonetto XVII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XVI. Anzoletta del ciel, senza peccà

Edission e fonte ▼

Sonetto XVIII. Mo se se chiama Dio l'eterno amor  →

Altra edizion: L'amore senza compenso (1817)

Oh, quante volte al dì son un lion!
Oh, quante volte al dì son un agnel!
Quante mi inalzo col pensier al ciel
E po me lasso andar zo a tombolon!

Oh, quante volte aniego la rason
E fazo l'appetito mio fradel!
Quante stago in amor puoco in cervel!
Quante possio saver mai quel che son!

Oh, quanto spesso bramo, e no so che,
E quel, co so che l'ho, nol vorìa haver,
E co ghe ne son privo ardo da sé!

Oh, quanto un sguardo sforza el mio voler!
Quanto el me empie de miel e de aloè!
Quanti travagi ha un puoco de piaser!