Anzoletta del ciel, senza peccà

by Maffio Venier

3 Anzoletta del ciel, senza peccà (Sonetto XVI) Canzoni e sonetti Sonetto XV. Dal nascer tutti ha el cancaro che i magna Sonetto XVII. Oh, quante volte al dì son un lion! Maffio Venier XVI Soneti Altra edizion: Per una Fanciullina (1993)

Maffio Venier ―  Canzoni e sonetti

Anzoletta del ciel, senza peccà (Sonetto XVI)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XV. Dal nascer tutti ha el cancaro che i magna

Edission e fonte ▼

Sonetto XVII. Oh, quante volte al dì son un lion!  →

Altra edizion: Per una Fanciullina (1993)

Anzoletta del ciel, senza peccà,
Sorellina d'amor mia picchenina,
Che cusì puramente fantolina
Ti ha el ciel dei to ziogheti innamorà,

Sia benedetto chi te ha costumà,
Pura colomba della casa orsina,
Sia benedetta quella gratijna,
E quel caro visetto inzucherà.

Benedetti i sestini e le zanzette,
Che a chi le sente le ghe cava el cuor,
O co se fa a un melon, le el sparte in fette.

O pare, o mare, o nena, o dio d'amor,
O stelle siéu per sempre benedette,
Che no ghe havé mancà d'ogni favor.