Mo se se chiama Dio l'eterno amor

by Maffio Venier

3 Mo se se chiama Dio l'eterno amor (Sonetto XVIII) Canzoni e sonetti Sonetto XVII. Oh, quante volte al dì son un lion! Sonetto XIX. El vostro dir: Torné, caro ben mio Maffio Venier XVI

soneti

Maffio Venier ―  Canzoni e sonetti

Mo se se chiama Dio l'eterno amor (Sonetto XVIII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XVII. Oh, quante volte al dì son un lion!

Edission e fonte ▼

Sonetto XIX. El vostro dir: Torné, caro ben mio  →

Mo se se chiama Dio l'eterno amor
Per amar cadauna so creatura,
Se sè in tel resto imagine so pura,
Perché no somegiarla anche in amor?

Se 'l sol, amando, manda el so splendor,
Se nasce per amor zò che è in natura,
Se nome per amor sto mondo dura,
Come amor no cognosce el vostro cuor?

Perché el sol de vostri occhi arde ogni mente,
E ve nasce un pensier co l'odio drio,
E de lu ve nudrì naturalmente?

Niovo destin e troppo crudo è el mio,
Amar chi xe contraria a mi, alla zente,
Al mondo, alla natura, al sol e a Dio.