Mi che son in amor un paladin

by Maffio Venier

3 Mi che son in amor un paladin (Sonetto LXV) Canzoni e sonetti Sonetto LXIV. Co un ha gratia e che 'l veste pulìo Sonetto LXVI. In st'acque de purissimo crestal Maffio Venier XVI

soneti

Maffio Venier ―  Canzoni e sonetti

Mi che son in amor un paladin (Sonetto LXV)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LXIV. Co un ha gratia e che 'l veste pulìo

Edission e fonte ▼

Sonetto LXVI. In st'acque de purissimo crestal  →

Mi che son in amor un paladin,
Che trovo in mio favor ogni pianeto,
Che haverìa el cuor de miel e de confeto,
Son tuto avelenà, gramo meschin.

Me son fato mi proprio mi sassin
Che m'ho impìo de dolcezza, de suspeto,
Tal che ho un tocco de ghiazzo in mezo 'l peto,
Che tremo d'un osel, d'un polesin.

Perversa, invidiosa zelosia,
Che ti t'ha con Amor pi intrinsecà
Che con la Povertà la Poesia,

Ma n'hoi pò causa d'esser desperà?
Sia maledeta, ne voi dir, custìa
Che no vuol mai tegnir i occhi a ca'.