Co un ha gratia e che 'l veste pulìo

by Maffio Venier

3 Co un ha gratia e che 'l veste pulìo (Sonetto LXIV) Canzoni e sonetti Sonetto LXIII. Certi cavei rizzoti inanelai Sonetto LXV. Mi che son in amor un paladin Maffio Venier XVI

soneti

Maffio Venier ―  Canzoni e sonetti

Co un ha gratia e che 'l veste pulìo (Sonetto LXIV)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LXIII. Certi cavei rizzoti inanelai

Edission e fonte ▼

Sonetto LXV. Mi che son in amor un paladin  →

Co un ha gratia e che 'l veste pulìo,
Certo che l'ha qualcossa, no ve 'l niego,
Mo questo l'ha pur anca el vostro griego.
Volémio però dir che 'l sia un bel fio?

Me par sentirve a dir che ve ho chiarìo
Co st'inconveniente che v'aliego.
Mo ferméve anche un pochetin, ve priego,
Vardé s'ho el gusto tanto dessavìo.

Che val la gratia senza un bel color?
A questo sì che no contenderé.
Quel che val una ruosa senza odor.

Dèmel più bianco un puoco in viso, e se
El no ve par a ponto a vu mior,
La mia xe invidia, e voi che ghe 'l dighé.