La strada poareta (1924)

by Berto Barbarani

3 La strada poareta Rosa de Majo Spassacamin Berto Barbarani XX Poesie veronese Indice:Il dialetto e la lingua - Antologia vernacola.djvu Altra edizion: La strada poareta (1900)

Berto Barbarani

La strada poareta

XX secolo

Edission original:	Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924
Fonte:	Indice:Il dialetto e la lingua - Antologia vernacola.djvu

←  Rosa de Majo

Edission e fonte ▼

Spassacamin  →

Altra edizion: La strada poareta (1900)

LA STRADA POARETA ¹

Eco ’na strada proprio poareta,
     dove ch’el sol no va mai star de casa.
     In mezo ai sassi spurga ’na fosseta,
     che zo zo ne la ciavega stravasa ².
Da la finestra guarda ’na gobéta
     piena de fredo, e arente, che se basa,
     tacade a un scuro ³, drento a la gabieta,
     do passare malade su ’na stasa.
Soto una porta scura scura scura
     Gh’è el savatin ⁴ che bate su le sióle
     e una gatina piena de paura.
Gh’è de le strasse ⁵ a l’aria che se suga,
     e zo, par tera, a far le capriòle
     gh’è du mostri rachitici, che zugo!

Berto

---

Note

1. È il primo sonetto di quel capolavoro di Berto Barbarani che è intitolato: «I pitochi».
2. ciavega è la galleria per lo scolo delle acque; l'acqua si riversa giù dalla chiavica.
3. scuro: imposta, griglia.
4. savatin: ciabattino;
5. stracci o biancheria di bucato, vecchia e sgualcita.