La longevità

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
La longevità
1857-58

 Edission original:   

Camillo NalinPronostici e versi di Camillo Nalin, Volume III, Venezia, Giambattista Andreola, 1858

 Fonte:

Indice:Pronostici e versi di Camillo Nalin 3.djvu

←  La sorpresa Edission e fonte ▼ El cavalo longo  →


[p. 59 modifica]
LA LONGEVITÀ.


Onestissima dona,
     Ma a l'ecesso zucona,
     Siora Beta
     Gaveva l'uso bruto
     5De meter la pezzeta
     Dapertuto
     Sempre senza proposito,
     O per dir un sproposito
     Palmar
     10Da doverghe cigar,
     Fandoghe basa,
     Per carità la tasa,
     Ela la dovaria
     Parlar la note de l'epifania;
     15E per darve un'idea de la so testa
     Credo che bastarà de dirve questa.

[p. 60 modifica]

Dà la combinazion
     Che l'altra sera
     A una conversazion
     20Dove la gera
     El discorso i gaveva intavolà
     Su la longevità,
     E sentindo che Gegia so sorela
     Avendo la parola
     25Diseva — sinamente da putela,
     Co ancora andava a scuola
     Go inteso che la nona,
     Un colosso de dona,
     Co tuti i denti sani
     30Ze morta de cent'ani —
     La salta suso — Gegia
     No te far maravegia,
     Perchè se 'l nono fusse vivo ancora,
     El conto belo e chiaro se presenta
     35Ghe n'avaria a sta ora
     Cento e trenta.—
Gegia a sentir sta cossa
     Ze deventada rossa,
     Ma i altri ga ridesto per mezz'ora,
     40E quando i se la pensa i ride ancora.

[p. 61 modifica]



Siora Beta in quela età
     Gera una rarità,
     Ma a l'incontrario adesso,
     Che lo diga el bel sesso
     45Me permete,
     Abondanza ghe ze de siore Bete.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_longevità&oldid=39336"