Ho quel serpente della zelosia

by Maffio Venier

3 Ho quel serpente della zelosia (Sonetto XL) Canzoni e sonetti Sonetto XXXIX. Al mondo chi è soldao se fa chiattin Sonetto XLI. Come chi sente un pezzo una campana Maffio Venier XVI Soneti Altra edizion: Il Sogno (1817)

Maffio Venier ―  Canzoni e sonetti

Ho quel serpente della zelosia (Sonetto XL)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XXXIX. Al mondo chi è soldao se fa chiattin

Edission e fonte ▼

Sonetto XLI. Come chi sente un pezzo una campana  →

Altra edizion: Il Sogno (1817)

Ho quel serpente della zelosia
Che m'ha sparso in le vene el so venen,
Che se vedo un osel sora el mio ben
Temo che in fina lu mel porta via.

Amor mo, che vuol darmela compìa,
Fa che in insonio subito me vien
Custìa davanti, e che la vedo in sen
Da zente apponto che scortegarìa.

Me par vederla in brazzo a questo e quello,
Non che po a miei rivali, a i miei nimighi,
Che galde del so ben, del mio martello.

Non basta che, vogiando, ho tanti intrighi,
No basta che custìa non ha cervello,
Che ho per zonta, a dormir, de sti castighi.