Mi che la darìa marza a un zarattan

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Mi che la darìa marza a un zarattan (Sonetto XXXI)
XVI secolo
←  Sonetto XXX. Havarìa messo pegno mio fradel Edission e fonte ▼ Sonetto XXXII. Tògia el mio fronte, e tògia le mie zanze  →

Mi che la darìa marza a un zarattan,
Che ho dà le romancine che se sa,
Che m'ha sentìo, non solo quei de ca',
Ma la zente d'attorno un mio lontan,

E che addesso non habbia per le man
Do zanze mi, meschin desgratià,
Che m'haverìa più presto immaginà
Che me mancasse mille volte el pan.

Questi xe dei miracoli d'Amor:
Deventar muto innanzi del suo ben,
E parer da so posta un orator.

Se no ho parole al mal, co se convien,
Ve podé ben pensar co stà el mio cuor,
Ben mio, se m'havé messo el fuogo in sen.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Mi_che_la_darìa_marza_a_un_zarattan&oldid=67913"