El grio
|
Edission original: |
Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924 |
|
Fonte: |
| ← El cinematofrago | Edission e fonte ▼ | Carneval el torna! → |
EL GRIO ― (Il Grillo)
El grio l'è quela bestia coi corneti,
Che g'à le ale tute lavorade,
Che g'à la sega su par i sgarleti,
E che in quel posto... g'à do coe rissade.
In boca mi no so: 'l g'à du coseti...
Che se i te ciapa, oh Dio che morsegade!
L'è nero 'mparmiga con dei gialeti;
No 'l dorme quasi mai ne le notade!
E par sto moretin in primavera
Ve canta el so «Gri-Gri» sul bel pra verde,
Con la paieta, insenocià par tera,
Gh'è quel che de le ore atento 'l perde,
Parchè — secondo mi — l'à vossù Dio,
Che l'omo sia l'amigo pur del Grio.
Anzolin da la Jazza