Diséme un puochetin donde che avvien

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Diséme un puochetin donde che avvien (Venieresca XIX)
XVI secolo
←  Venieresca XVIII. Daspuò haver sopportao mille tormenti Edission e fonte ▼ Venieresca XX. Sta notte me pareva haverve in brazzo  →

Diséme un puochetin donde che avvien
Che la mia donna, quando vago là,
No me son cussì presto despogià
Che la me peta le culate in sen.

Chi sarà quel dottor cussì da ben
Che, senza scudo, me consegierà
De dirghe: Anema mia, vòltate in qua,
O farghelo cussì pur me convien?

Da l'una banda el mondo è scelerà,
Che ha per cogion chi no xe sodomito,
Da l'altra è la grandezza del peccà.

Ma, perché i nostri savii ha lassà scrito
Che mai no falla chi vien consegià,
Domando mi a pi savii sto quesito.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Diséme_un_puochetin_donde_che_avvien&oldid=41577"