Dal Cielo el Dìo d'Amor hà dà un'occhiada
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Donne graziose, che sè fatte apposta | Edission e fonte ▼ | No sò, chi s'abbia tiolto mai la briga → |
Dal Cielo el Dìo d'Amor hà dà un'occhiada
Al costume del secolo presente,
E vedendo per tutto, che la zente
4D'ogni Età fà una vita buzarada.
L'hà dito, dar bisogna una tagiada
Al bando dell'onor subitamente,
Perchè sto bando el fà insensibilmente
8Un mal, che và crescendo alla zornada.
Dei Dei per questo lù xe andà al congresso,
E là el gà fatto tante rifflession,
11Che l'hà commosso turto quel consesso,
Tanto, che i gà segnà sto decreton,
Che sia per el ben publico permesso
Chiamar l'onor in via de realdizion,
15A sta proposizion
Venere se gà opposto, e la s'hà fato
Scontro a so fìo trattandolo da mato,
18La hà dito in quel Senato;
Come chiamar l'Onor? No xelo quelo,
Che xe stà la rovina dell'Oselo?
21Co ghe penso, credelo,
Che se tornasse a veder sta figura
Me farìa dar sìe ponti alla Natura.
24Oh leze troppo dura!
Più no se vedaria la notte tardi
Le Donne a spassizzar verso i Stendardi;
27No ghe sarìa sti lardi
De conversar con elle, e starghe appresso
Anca quando ghe scampa per secesso,
30E i Omeni d'adesso,
Quando, che mancasse sto trastulo
No i saverìa dove puzar el Culo.
33Le Donne, e no ve adulo,
Co le avesse da viver sotto chiave,
Dal gran velen le se la pelarave.
36Tutto se mudarave
El bel Mondo d'adesso, e tornarìa
De Donne tanta, e tanta carestìa,
39Che i Omeni averìa
Necessità, siben no le xe sane,
D'andar quanti, ch'i xe, tutti a puttane,
42Le pompe sarìa vane,
El lusso finirìa, e la Società,
Che xe quel, che fà belle le Città,
45Cussì la gà parlà,
Allora xe andà in renga el Dìo d'Amor,
E, perchè i tagia el bando dell'Onor,
48L'hà parlà da Dottor,
L'hà dito, che lù hà fatto decretar,
Che l'Onor vada a farse buzarar,
51Credendo de ben far;
Ma a veder, che la zente fà mal uso;
Che tutto'l Mondo và col Cul in suso,
54Che a causa de sto abuso
La Mare no gà l'occhio più a so fìa,
Perchè tutta la notte la stà vìa,
57E che da quella vìa,
Che stà fuora de casa la parona,
La massera se fà grattar la Mona
60Da qualche pìa persona:
Che'l crederìa per questo assae ben fato
Repristinar l'Onor in tel so stato
63Che lù pò xe desfato,
Che lù più no colpisce coi so strali,
E che 'l xe un Rè, che tutti i so vassali
66Xe tre, o quattro coccali,
Che, come no ghè più le zelosìe,
La so cancellarìa fà le scarpìe;
69Che senza far pazzìe
In quiete tutti gà boni bocconi,
E che lù stà grattandose i cogioni,
72Come, che fà i baroni,
Xe saltà sù el Dio Priapo in fretta,
E l'hà messo anca lù la so pezzetta,
75Alla bona, alla schietta,
L'hà dito, che lo sà sin i ragazzi,
Che lù xe'l Nume tutelar dei Cazzi,
78Che nol vorrìa, gramazzi,
Co tornasse l'Onor a comparir,
I gavesse pò allora da patir
81A segno de morir,
E co i volesse dar una chiavada
Costar la ghe dovesse assae salada,
84Come l'Età passada,
Età, che sora delle so rovine
Hà fatto dei gran bezzi le sgualdrine,
87E come, se in le spine
Dall'alto i fusse zò precipitai
Fuora i vegniva cussì ben giustai,
90E cussì rovinai,
Che bisognava alfin oltre i estrati,
Che i se fasse tagiar, come bisati;
93Ve prego Dei Penati
Andè tutti in tel verde a sro decreto,
Se nò i me Cazzi và tutti in brueto,
96Perchè, mi ve prometo,
Posso ben dal Priapismo liberarli,
Ma dal morbo, che rode, come i tarli,
99No posso esenti farli.
Le dispute in sto modo hà terminà,
E da Giove una parte è stà mandà,
102Utrum se in libertà
L'Onor s'abbia da metter, nec nè,
E fu preso, che 'l staga, dove el xè.