Conta Petronio del gran Neron
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← In materia del senso gran cose s'hà sentìo | Edission e fonte ▼ | Se mi fusse Imperator → |
Conta Petronio del gran Neron
Quella stupenda nobile azion,
Che lù gà fatto sul delizioso
Lago d'Agrippa tanto famoso:
5Sora un vascello lù xe montà
D'avorio, e d'oro tutto incastrà;
I remiganti giera de quelli,
Ch'in le laidezze giera i più belli.
L'hà pò fatto sul vascello
10Un banchetto cussì bello,
Che i preziosi cibi, e i vini
Fin dai ultimi confini
Della terra l'hà volesto,
Che i portasse per far questo.
15El gà messo delle Done
Dame illustri, e buzarone:
Da una parte delle Dame,
Che cavasse ben la fame
A quei duri, e forti Cazzi
20Dei più nobili puttazzi,
E dall'altra le puttane,
Tutte nue in forme strane,
Che in diversi atteggiamenti
Fasse i Omeni contenti.
25Cosa mai doveva far
Là custìe per far sborar!
Me figuro in quella scena
De veder quella, che mena;
Chi puzada a una colona
30Stà menandose la Mona,
Chi sbassada un pochettin
La lo tiol drento a passin,
Chi con belle parolette
Ghe lo mena frà le Tette,
35Chi se mette un deo nel vaso,
E ghe 'l da pò sotto el naso,
Chi per darghe più trastulo
Dalla Mona casca in Culo,
Chi per darghe più diletto
40Tiol in bocca l'Oselletto.
Là ghe giera sin de quelli,
Che sborava in te i cavelli.
A pensarghe seriamente
In veder tutta sta zente
45A sborar con questa, e quella
Sarà stà 'na cosa bella.
Con sto gusto tutto el zorno
Hà zirà Neron intorno,
E co 'l Sol s'hà sconto in Mar
50El gà fatto illuminar,
Perchè ben se ghe vedesse
E le case, e le barchesse.
L'hà volesto soni, e canti,
Che cantasse tutti quanti
55Delle belle canzonette
Sulla Mona, e sulle Tette.
Da per tutto rimbombava,
Viva quelli, che più chiava;
E po l'Eco dai palazzj
60Respondeva: Evviva i Cazzi.
Per corona de st'azion
Hà volesto pò Neron,
Che da femena i lo vesta,
E i ghe metta el velo in Testa;
65E del Popolo al cospetto
El xe andà co un Omo in letto,
E senz'altro più pensar
El s'hà fatto buzarar.