Che giova aver fortuna, aver onori

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 288 modifica]
GNENTE GIOVA, CO NO SE PUOL FOTTER.


SONETTO


Che giova aver fortuna, aver onori,
    Aver Coghi, palazzi, e Servi tanti,
    Aver le stoffe d'oro, e ricchi manti,
    4Aver tutti de Creso i gran tesori,

Esser al Mondo l'idolo de' cuori,
    Star sempre in feste, in zioghi, in soni, in canti,
    Viazar in t'i paesi tutti quanti,
    8Bever le tazze piene de liquori.

Che giova tutt'i chiassi, e i baccanali,
    Magnar sempre la robba la più bona,
    11Tutte aver le delizie di Orientali.

Che giova aver el Scettro, e la Corona,
    E ch'i ve fazza anca i archi trionfali,
    14Quando che no se puol più andar in Mona.