Sant'Antonio de Padoa sì famoso
Sant'Antonio de Padoa sì famoso
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Osservo, che sti Santi vien depenti | Edission e fonte ▼ | Che giova aver fortuna, aver onori → |
EL CUOR IN SCRIGNO, E 'L CAZZO IN MONA.
SONETTO
Sant'Antonio de Padoa sì famoso,
Che de' prodigj ghe n'hà fatto un Caro,
L'hà fatto questo in morte d'un avaro,
4Che xe stà veramente strepitoso.
Col so accompagnamento scorruzioso
I portava quel morto sul Sagraro,
Allora el Santo con esempio raro
8L'hà fatto avrir, e ognun giera curioso.
El gà dito, che addesso i vederà,
Che tutto quanto'l cuor de quel gramazzo
11El giera nel so scrigno, e cussì è stà.
Anca mi dopo morto, poverazzo,
Quando 'l viso reperto i me farà,
14In Mona i troverà tutto 'l mio Cazzo.