Aurisbe Tarsense a Polisseno Fegejo
|
Edission original: |
Collezione delle migliori opere scritte in dialetto veneziano, Volume nono: Scherzi poetici di Carlo Goldoni, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 9.djvu |
| Edission e fonte ▼ | Risposta ad Aurisbe di Polisseno Fegejo → |
DI
CORNELIA BARBARO GRITTI
E
RISPOSTA
DI
CARLO GOLDONI
PER LA VESTIZIONE
DI SUOR ANGELA MARIA RENIER
Sta volta ve go in trapola,
De qua no me scampè;
Fora le vostre chiacole,
4Fe presto e respondè.
A Parma no se' in Opera;
Se' qua, se' fresco e san;
Se ve trovasse in degole
8Ve manderìa lontan;
El tema xe novissimo,
So ch'el ve piaserà:
Per una che va Munega
12Aveu mai più cantà?
M'aspeto che responderme
Vogiè strenzendo i denti:
Semo a le cosse solite,
16Coi soliti argomenti;
Sempre ghe vol sta sonica?
Sempre s'à da cantar?
Per Sposalizj e Muneghe
20M'òi da decervelar?
Sior sì, bisogna subito
Tior la chitara in man,
Sonarghela e cantarghela
24Almanco in Venezian.
Sta volta, torno a dirvelo,
El caso è diferente,
Sta Puta che me stimola
28La xe una mia parente.
Questo xe 'l primo debito;
Ma a dirla tra de nu,
Me stimola e me obliga
32Qualche rason de più.
La xe sta santa zovene
Fia de Daniel Renier:
Oh doveressi intenderme,
36Se' omo del mistier;
Save chi 'l xe in Republica,
Savè quel che l'à fato.
Se no l'avessi in pratica,
40Ve fazzo el so ritrato:
El ga una mente lucida,
Un inteleto pronto,
Che tuto rende facile,
44Che presto ariva al ponto;
El sa le cosse serie
Tratar con precision,
E po grazioso e lepido
48El xe in conversazion;
Amigo sincerissimo,
De cuor e de bon fondo,
Che cerca, che desidera
52Far ben a tuto 'l mondo;
Temperamento fervido
Che parla e che par bon,
Che va talvolta in colera,
56Ma mai senza rason;
L'à scomenzà da zovene
A vederghe pocheto,
Ma a i ochi, che xe deboli,
60Suplisse l'inteleto.
A comandar giustissimo,
Prontissimo al dover,
In casa soa filosofo,
64E sempre cavalier.
Fato el ritrato in picolo,
Più a sguazzo che a pastela,
A vu ve lasso el merito
68De insoazar la tela.
Del Padre co l'imagine
Piena de fantasia
Se me presenta al spirito
72Le lode de la Fia.
So che la xe assae zovene,
So che la xe assae bela,
So che la ga del merito,
76Ma la lo sconde in Cela;
Le zogie, i merli, i abiti
Richi no la i vol più,
La li à portai pochissimo,
80La ne li lassa a nu;
A nu, povere femene,
Che al mondo andemo drio
Co la caena indomita
84Dei fioli e del mario!
Semo servìe da i omeni
Un poco in zoventù,
Co passa l'età zovene
88Nissun ne varda più!
Quanto xe megio el bavaro
In vece del topè!
Quanto val più la tonega
92Dei cerchi e l'andriè!
Studiemo a farse un abito
Rosso, celeste o bianco;
Per el vestir le Muneghe
96Le ga un pensier de manco.
Ma basta. A vu sior Arcade,
Lodè sta mia zermana,
Che vol le carne tenere
100Coverzerse de lana;
Ma no fe miga el comico,
Come che solè far,
No vegnì via con critiche
104Che no le ga da intrar;
No stessi a dir che un spirito
Ghe xe che va per tuto,
Ch'anca in tel pano ruvido
108Se vede el belo e 'l bruto;
Perchè tra quele Vergini,
Vestìe de penitenza;
El megio no xe l'abito,
112Ma 'l cuor che ga prudenza.
Lassèmo star ste frotole,
Salvèle per la scena,
No manca sul proposito
116Materia per la vena.
Saltè fora con spirito,
Vòi adesso che cantemo;
No me cantè spropositi,
120Savè dove che semo....
Sì ben..... son contentissima,
La novità xe bela....
La xe una cossa insolita....
124Dirò un'Indovinela.
Mi so che ghe xe un albero
Piantà in t'un bel zardin,
Che sul ramo medesimo
128Ga un pomo e un limoncin.
L'aveu sentìa? spieghemela.
L'albero è cognossù
I spiriti a capitolo;
132Sior Polisseno, a vu.
- Note a cura de Bartolommeo Gamba (1817)
- ↑ Questa Dama di non ordinarj talenti solea essere in Venezia dai Forestieri più segnalati visitata e riverita. Fu dal celebre Frugoni idoleggiata in molti suoi componimenti. Diede la vita a Francesco Gritti, del cui valore singolare nella poesìa vernacola si sono veduti i saggi nei Vol. VI e VII di questa Raccolta. Scrisse Sonetti e Canzoni anche nella toscana favella, e piaceci di riportare a questo luogo un suo Sonetto il cui argomento è l'esame di se medesima allo specchio.
Non mente no il cristal. Mi albeggia il crine;
E le guance di rose, e il palpitante
Niveo ricolmo sen, le coralline
Labbra vermiglie or non mi porge inante.
Non mente no il cristal. Rapido alfine
L'undecimo varch'io lustro pesante;
E le robuste membra al suolo or chine
Mi rammentan la tomba, e non l'amante!
Alte destai vivide fiamme in petto;
Che il cieco arcier dalle fallaci scorte
Giammai mi offerse un moribondo affetto!
Ah passano nell'oblio per sempre assorte
Fole di gioventude! al grande oggetto
Solo or si pensi; e qual sarà? la Morte.