Pagina:Collezione delle migliori opere scritte in dialetto veneziano 9.djvu/84

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


A comandar giustissimo,
     Prontissimo al dover,
     In casa soa filosofo,
     64E sempre cavalier.
Fato el ritrato in picolo,
     Più a sguazzo che a pastela,
     A vu ve lasso el merito
     68De insoazar la tela.
Del Padre co l'imagine
     Piena de fantasia
     Se me presenta al spirito
     72Le lode de la Fia.
So che la xe assae zovene,
     So che la xe assae bela,
     So che la ga del merito,
     76Ma la lo sconde in Cela;
Le zogie, i merli, i abiti
     Richi no la i vol più,
     La li à portai pochissimo,
     80La ne li lassa a nu;
A nu, povere femene,
     Che al mondo andemo drio
     Co la caena indomita
     84Dei fioli e del mario!
Semo servìe da i omeni
     Un poco in zoventù,
     Co passa l'età zovene
     88Nissun ne varda più!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_9.djvu/84&oldid=66843"