La xe sta santa zovene
Fia de Daniel Renier:
Oh doveressi intenderme,
36Se' omo del mistier;
Save chi 'l xe in Republica,
Savè quel che l'à fato.
Se no l'avessi in pratica,
40Ve fazzo el so ritrato:
El ga una mente lucida,
Un inteleto pronto,
Che tuto rende facile,
44Che presto ariva al ponto;
El sa le cosse serie
Tratar con precision,
E po grazioso e lepido
48El xe in conversazion;
Amigo sincerissimo,
De cuor e de bon fondo,
Che cerca, che desidera
52Far ben a tuto 'l mondo;
Temperamento fervido
Che parla e che par bon,
Che va talvolta in colera,
56Ma mai senza rason;
L'à scomenzà da zovene
A vederghe pocheto,
Ma a i ochi, che xe deboli,
60Suplisse l'inteleto.
