Amor, méttime pur dove te piase

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Amor, méttime pur dove te piase (Venieresca II)
XVI secolo

 Edission original:   

Maffio Venier. Canzoni e sonetti.
A cura di Attilio Carminati, Manlio Cortelazzo, Tiziana Agostini Nordio
Venezia, Corbo e Fiore, 1993

 Fonte:

http://www.bibliotecaitaliana.it/testo/bibit001236

←  Venieresca I. Se no credesse un dì, vacca sfondrà Edission e fonte ▼ Venieresca III. Daspuò che ti la vuol col fatto mio  →

Amor, méttime pur dove te piase,
In torcollo, in sopressa, in salamora,
Tienme in posta del sol, tienme alla buora,
Bùttame in su la neve o in su le brase.

Muòveme guerra, fame tregua o pase,
Inchiàvame in preson càvame fuora,
Fa che romagna assolto, o fa che muora,
Ùsame pur, se ti sa zonte o rase.

El tuo fuogo co mi refresca e aggiazza,
El to giazzo co mi sì scota e bruza,
Tal che la to fortuna m'è bonazza.

E, prima, toio a dir ch'el sol no lusa,
Che un pugnal e una spada no me amazza,
Che mai spenda in to gloria la mia musa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Amor,_méttime_pur_dove_te_piase&oldid=41292"